काठमाडौं– अमेरिकाका नील आर्मस्ट्रङले २० जुलाई १९६९ मा पहिलोपटक चन्द्रमाको सतहमा पाइला टेकका थिए। चन्द्रममा पाइला टेक्ने उनी पहिलो पृथ्वीवासीसमेत हुन्।
त्यसयता ५० वर्ष पुगिसकेको छ। तर अहिलेसम्म अर्को कुनै मानव मिसन चन्द्रमाका लागि पठाइएको छैन। तर अब भने पुन नासाले चन्द्रमामा मानव मिसन पठाउने तयारी गरेको छ।
नासाले आफ्नो चन्द्र मिसन आर्टिमेस आईआईका लागि टिम छनोटसमेत गरिसकेको छ। नासाले सोमबार चार अन्तरिक्ष यात्रीको नाम पनि सार्वजनिक गरेको छ। जो आगामी वर्ष चन्द्रमामा जानेछन् र एक चक्कर लगाएर पृथ्वीमा फर्किनेछन्।
नासाले गरेको घोषणाअनुसार चार अन्तरिक्ष यात्रीमध्ये चन्द्रमामा पुग्ने यसपटक एक महिला पनि हुनेछिन्। नासाले ह्यूसुटनको एक टेलिभिजन समारोहका बेला उक्त टोलीको नाम सार्वजनिक गरेको हो। चार जनामध्ये तीन अमेरिकी नागरिक हुन् भने एक क्यानडेली छन्।
नासाका अनुसार मिसनमा रीड विस्मेन, भिक्टर ग्लोभर, क्रिस्टिना कोच र क्यानडाका जेरेमी हेनसेन जानेछन्। कोचसँग भने लामोसमयसम्म अन्तरिक्षमा उडान भर्ने विश्व रेकर्डसमेत छ। यीनमा हेनसेनलाई छाडेर बाँकी पहिला नै अन्तरिक्षमा गइसकेका छन्।
यसअघि अपोलो मिसनका बेला नासाले १९६८ देखि १९७२ सम्म अन्तरिक्ष यात्रीलाई चन्द्रमामा पठाएको थियो। चारै जना अन्तरिक्ष यात्री सन् २०२४ को डिसेम्बरअघि केनेडी स्पेस सेन्टरबाट लञ्च गरिने रकेटको सहयोगमा चन्द्रमामा पुग्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
