काठमाडौं- राष्ट्रिय स्वतन्त्र पार्टीका सभापति रवि लामिछानेविरुद्ध निर्वाचन अधिकृतको कार्यालय चितवनमा उम्मेदवारी खारेजीको माग गर्दै उजुरी दर्ता भएको छ।
चितवन–२ बाट दोस्रो पटक प्रतिनिधि सभाका लागि उम्मेदवार भएका लामिछानेले नागरिकता लिएको अवधि नपुग्ने भएकाले उम्मेदवारी खारेज हुनुपर्ने भनिएको छ।
लामिछानेविरुद्ध युवराज पौडेल (सफल) ले चितवन–२को निर्वाचन अधिकृतको कार्यालयमा उजुरी दिएका हुन्।
लामिछानको संविधानको धारा २९१ अनुसार योग्यता नै नपुग्ने भएकाले उनको उम्मेदवारी दर्ता नै हुन नसक्ने दाबी उजुरीमा गरिएको छ।
नेपालको संविधान २०७२ को धारा २९१ ले विदेशको आवासीय अनुमतिपत्र त्याग गरेको व्यक्तिले कम्तीमा तीन महिना अवधि व्यतित नभई निर्वाचनमा उम्मेदवार हुन रोक लगाएको र लामिछानले नेपाली नागरिकता लिएको उक्त अवधि नपुग्ने दाबी उजुरीमा गरिएको छ।
लामिछानेले माघ १५ गते जिल्ला प्रशासन कार्यालय काठमाडौंबाट नागरिकता पुनर्प्राप्ति गरेका थिए। त्यसअघि उनले विदेशी नागरिकता त्यागेको निस्सा बुझाएको नदेखिएकाले बदर गरिएको थियो। सर्वोच्च अदातलको संवैधानिक इजलासले उनको सांसद पद समेत बदर गरिदिएको थियो। योसँगै निर्वाचन आयोगले उक्त क्षेत्रमा वैशाख १० मा निर्वाचनको मिति तोकेको थियो। लामिछानले नागरिकता त्यागेको अवधि संविधानले तोकेकोभन्दा धेरै भएकाले कुनै फरक नपर्ने उनीहरुको दाबी छ।
उजुरीमा लामिछानेको उम्मेदवारी बदर गरी उम्मेदवार बन्नै अयोग्य भएको निर्णय हुनुपर्ने जिकिर गरिएको छ। यो विवादमा अब निर्वाचन अधिकृतको कार्यालय चितवनले निर्णय गर्नेछ। उसले उक्त विषयमा निर्णय गर्न नसके निर्वाचन आयोगमा पठाउनेछ। आयोगले त्यसमा निर्णय गरेपछि उनी आयोग्य हुने वा नहुनेबारे निर्णय दिनेछ।
लामिछाने विरुद्ध सफलले नै दर्ता गराएको रिट सर्वोच्चमा सुनुवाइ भइरहेको छ। सर्वोच्चमा उनी विरुद्ध राहदानी दुरुपयोगमा मुद्दा नचल्ने भनी महान्यायाधिवक्ता दिनमणि पोखरेलले गरेको निर्णय बदर गर्न सफलले रिटमा माग गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778309656.png)
-1764146706.png)
