‘बजरंगी भाइजान’को सिक्वेलमा अटाइनन् करिना

सिनेमा

नेपाल लाइभ सोमबार, चैत १३, २०७९ १४:३५

काठमाडौं– यतिबेला सलमान खान फिल्म ‘किसी का भाइ किसी की जान’ लाई लिएर चर्चामा छन्।

फिल्मका गीतहरू सार्वजनिक भइरहेका छन्। यता, दर्शकहरू लामो समयदेखि सलमानको हिट फिल्म ‘बजरंगी भाइजान’को सिक्वेलको प्रतीक्षामा छन्।

फिल्ममा ‘पवन’ को भूमिका निर्वाह गरेर चर्चामा आएका सलमानलाई मानिसहरू फेरि एकपटक यो पात्रमा हेर्न चाहन्छन्। यतिबेला ‘पवनपुत्र’ को सिक्वेलबारे समाचार आइरहेका छन्।

फिल्म निर्देशक कबीर खानले सन् २०१५ मा फिल्म ‘बजरंगी भाइजान’ ल्याएका थिए। फिल्मको स्टोरी लाइन र सलमान खानको क्यारेक्टरलाई दर्शकले रुचाएका थिए।

फिल्ममा करिना कपुरले सलमानको प्रेमीको भूमिका निभाएकी थिइन्। तर फिल्मको सिक्वेल ‘पवनपुत्र’मा उनी हुने छैनन्। उनको ठाउँमा फिल्ममा नयाँ अनुहारको प्रवेश भएको छ।

सलमान पहिलो पटक पूजा हेगडेसँग फिल्म ‘किसी का भाइ किसकी जान’ मा काम गर्दैछन्। फिल्मका गीतमा दुवै स्टारको बन्डिङ प्रष्ट देखिन्छ। अफ स्क्रिनमा पनि यी दुईबीच राम्रो मित्रता रहेको देखिन्छ।

फिल्म ‘किसी का भाइ किसीकी जान’ अप्रिलमा इदको अवसरमा रिलिज हुँदैछ। फिल्ममा शहनाज गिल र पलक तिवारी पनि महत्वपूर्ण भूमिकामा देखिनेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी