‘जीवनमा आँधी आउन सक्छ, प्रलय आउन सक्छ तर मित्रतामा दरार आउनु हुँदैन।’
यो चर्चित संवाद एक समयका हिट अभिनेता कादर खानको हो। अभिनय र कमेडी बाहेक कादर डायलग डेलिभरीका कारण पनि परिचित छन्। अमिताभ बच्चन स्टारर सुहाग, मुकद्दर का सिकन्दर र अमर अकबर एन्थोनी जस्ता केही फिल्महरूमा कादर खानले लेखेका संवादहरू ७० को दशकमा निकै हिट भएका थिए।
दुवैबीच राम्रो मित्रता पनि थियो तर त्यसपछि दुवैबीचको समीकरण बदलियो र दरार आयो।
कादर खान ‘अलराउन्डर’ थिए। कलमको कापीमा संवाद लेख्ने होस् वा स्क्रिप्ट, उनले केही मिनेटमै जादू देखाउँथे। चाहे त्यो क्यामेरा ह्यान्डल गर्ने होस् वा क्यामेराको अगाडि अभिनय। कादर खानले गर्न नसक्ने कुनै काम थिएन।
भनिन्छ मान्छेले कहिल्यै घमण्ड गर्नुहुँदैन, किनकि घमण्डले सबैलाई नष्ट गरिदिन्छ। कादर खान र अमिताभ बच्चनबीच पनि यस्तै भएको थियो। एक शब्दका कारण वर्षौंदेखिको मित्रता टुट्यो।
कादर खानले सुनाए अमिताभको ‘गुरु’को कथा
भारतीय टिभीमा दिएको एक अन्तर्वार्तामा कादर खानले आफ्नो र अमिताभको मित्रताको कथा र अमिताभको ‘गुरु’को कथा सुनाए। ‘अलराउन्डर’ कादर खानले कसरी दुईबीचको राम्रो सम्बन्ध केही मिनेटमै टुट्यो र त्यसपछि वर्षौंसम्म सँगै काम नगरेको बताए।
एक शब्दले बिगारेको मित्रता
अमिताभको राजनीतिमा प्रवेशपछि उनीहरूबीचको सम्बन्ध बिग्रियो। पुराना दिनहरू सम्झँदै उनले भनेका थिए–
'म सधैं अमित भनेर बोलाउँथे तर एक दिन अमित भनेर बोलाउँदा उसलाई मन परेन। साउथका एक निर्माताले मलाई सोधे, ‘तपाईं सरसँग मिल्नुभयो? ’ मैले सोधेँ ‘को सर ?’ उनले छक्क परेर भने ‘सर, थाहा छैन? अमिताभ बच्चन।’ मैले भनेँ, ‘म अमित भन्छु, उहाँ मेरो साथी हो।’ उनले भने ‘होइन, तपाई सधैँ सर जी भन्नुस्। अमित नभन्नुस्, उहाँ अहिले ठूलो मान्छे भइसक्नुभयो।’
कादर खानले सुनाए, ‘अमिताभ हामीकहाँ आउँदै थिए र मलाई अरु सबैजस्तै उनलाई ‘सर जी’ भनेर बोलाउने सोच थियो। तर मैले मानिनँ। त्यस दिनदेखि न मैले उनलाई फोन गरेँ न उनले।’
कादरले भने, ‘आफ्नो साथीभाइलाई अरु कुनै नामले बोलाउन सकिनँ।’
अमिताभ र कादरले 'अमर अकबर एन्थोनी', 'दो और दो पांच', 'कालिया', 'सत्ते पे सत्ता' (१९८२), 'कुली', 'शहेनशाह', 'अग्निपथ' जस्ता धेरै फिल्महरूमा सँगै काम गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
