काठमाडौं– इलाका प्रहरी कार्यालय बुटवलका तत्कालीन प्रमुख, प्रहरी नायब उपरीक्षक (डीएसपी) ठगबहादुर केसीलाई छानबिन समितिले फौजदारी कसुरमा कारबाही गर्न सिफारिस गरेको छ।
एसएसपी चन्द्रकुबेर खापुङको नेतृत्वमा बनेको छानबिन समितिले प्रतिवेदन बुझाउँदै डीएसपी केसीले बदनियत गरेको देखिएकाले फौजदारी कसुरमै कारबाही गर्न सिफारिस गरेको स्रोतले नेपालाइभलाई जानकारी दिएको छ।
गत पुस ११ गते डीएसपी केसी ३५ तोला सुनसहित पक्राउ परेका थिए। बर्दीको आडमा ३५ तोला सुन ‘लुटेका’ डीएसपी केसीले सुन फिर्ताका लागिसमेत रकम लिएका थिए। रकम दिँदासमेत सुन फिर्ता नपाएपछि उक्त कुराको जानकारी प्रहरी हेडक्वार्टरसम्म पुगेको थियो।
प्रहरी हेडक्वार्टरले केन्द्रीय अनुसन्धान ब्यूरो (सीआईबी) लाई निर्देशन दिएपछि डीएसपी तपन दाहालको कमाण्डमा खटिएको टोलीले केसीलाई नियन्त्रणमा लिएको थियो। लुटिएको ३५ तोला सुन र नगद, चेक गरी २५ लाख रुपैयाँ उनीबाट बरामद भएको थियो।
सुन, पैसा र चेकसहित पक्राउ परेका उनलाई प्रहरी प्रधान कार्यालयले निलम्बनका लागि गृह मन्त्रालयलाई सिफारिस गरेको थियो। त्यसपछि उनी निलम्बनमा परेका थिए।
सोही घटनामा अनुसन्धान गर्न भन्दै समिति गठन गरिएको थियो। समितिले डीएसपी केसीले बदनियत राखेको पुष्टि गर्दै कारबारही गर्नुपर्ने औंल्याएको हो।
समितिले फौजदारी कसुरमा कारबाही गर्नुपर्ने औंल्याएपछि कारबाहीका लागि अख्तियार दुरुपयोग अनुसन्धान आयोगको जिम्मा लगाउन सकिने स्रोतले बतायो। व्यसायीको सुन नियन्त्रणमा लिनु र सुन फिर्ता लिनका लागि रकम समेत लिएकाले भ्रष्टाचार अन्तर्गत कारबाही हुनसक्ने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790764182.png)
-1790763466.png)
-1786602170.png)
