काठमाडौं- सरकारको न्यायिक व्यवस्था र लोकतन्त्र बचाउन भन्दै हजारौं इजरायली नागरिक सडकमा निस्केका छन्। बिबिसीका अनुसार यसरी सडकमा आउनेहरुले न्यायिक सुधार गर्ने भन्दै सरकारले चालेको कदमको विरोध जनाएका छन्।
प्रदर्शन गत ९ हप्तादेखि चलिरहेको छ। मानिसहरु झन्डा, ब्यानर र ड्रम लिएर सडकमा घुमिरहेका छन् र लोकतन्त्र बचाउने कुरा गरिरहेका छन्।
हालसम्म केही स्थानमा बाहेक प्रदर्शन शान्तिपूर्ण देखिएको छ। तेल अबिबका केही स्थानमा प्रहरीले आम मानिसको भीड हटाइरहेको देखिन्थ्यो। प्रहरीले प्रदर्शनकारीहरुलाई हटाउनका लागि वाटर ट्यांकको प्रयोग गरिरहेको छ। जेरुसेलममा पनि प्रदर्शनकारी र प्रहरीबीच झडप भएको समाचार सार्वजनिक भएको थियो।
खासगरी न्यायाधीश नियुक्तिको मुद्दामा सरकारले गर्न लागेको परिवर्तनलाई लिएर जनता सडकमा उत्रेका हुन्। प्रदर्शनकारी विरुद्ध विपक्षी दलका नेताहरुले पनि आवाज उठाएका छन्।
अहिले आउन लागेको कानुनले सर्वोच्च अदालतका न्यायाधीश छान्ने अधिकार मन्त्रीहरुलाई हुनेछ । जसले गर्दा अदालतको अधिकार सीमित हुनेछ। आम मानिसले स्वतन्त्र न्यायालय र लोकतन्त्र विरुद्ध सरकारको यो कदम भएकाले आफूहरु विरोधमा आएको बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
