नयाँदिल्ली- पूर्वोत्तर भारतका तीन राज्य त्रिपुरा, नागाल्याड र मेघालयमा गत महिना भएको विधान सभा निर्वाचनको प्रारम्भिक परिणाम सार्वजनिक हुन थालेको छ।
यी तीन राज्यमा ६० सदस्य विधान सभा रहेको छ। त्रिपुरामा १६ फेब्रुअरी र नागाल्याड तथा मेघालयमा २७ फेब्रुअरीमा मतदान भएको थियो ।
कहाँ कसको सरकार?
तीनै राज्यमा या त बीजेपीको सरकार छ कि सर्मथन छ। मेघालयमा एनडीएको सरकार छ। २०१८ मा बीजेपीले नेसनल पिपल्स पार्टीसँग मिलेर सरकार चलाउन खोजेको थियो। नागाल्याडमा नेसनल डेमोक्रेटिक पार्टीले बीजेपीसँग मिलेर सरकार चलाइरहेको छ। त्रिपुरामा बीजेपीको सरकार छ।
त्रिपुरा
त्रिपुरामा कुल ६० विधान सभा सिट छ। मणिक साह अहिले मुख्यमन्त्रीको रुपमा छन्। सन् २०१८ को निर्वाचनमा एनडीएले ३६ सिट जितेको थियो। सीपीआाईले १६ सिट मात्र जितेको थियो। कांग्रेसले यो निर्वाचनमा एक सिट पनि जितेको थिएन।
सन् २०२३ को निर्वाचनमा बिजेपी एक्लै लडेको छ भने वाममोर्चा र कांग्रेसको गठबन्धन रहेको छ। वाममोर्चा ४३ र कांग्रेस १३ सिटमा निर्वाचन लडेको छ।
हालसम्मको मत परिणाम हेर्दा बीजेपी ३२ स्थानमा अगाडि छ। सीपीआई ११ मा अग्रता र त्रिपुरा मोथा ११ मा अग्रता लिइरहेका छन्। कांग्रेसले ४ स्थानमा अग्रता कायम गरेको छ। स्वतन्त्रले ४ स्थानमा अग्रता कायम गरेका छन्।
नागाल्याड
नागाल्याडमा नेसनलिस्ट डेमोक्रेटिक प्रोग्रेसिभ पार्टीको सरकार छ। नेफियु रियो अहिले त्यहाँको मुख्यमन्त्री रहेका छन्। यो दल सन् २०१७ मा तत्कालीन सत्ताधारी दल नगा पिपल्स फ्रन्टबाट अलग भएर बनेको थियो। सन् २०१८ मा विधान सभामा एनडीएसँग गठबन्धन गरेर जितेको थियो। निर्वाचनमा एनडीए ३२ सिट र नगा पिपल्स फ्रन्टले २७ सिटमा जित हात पारेको थियो।
यो पटक एनडीपीपी ४० र बीजेपी २० सिटमा निर्वाचन लडेका छन्। हालसम्म एनडीपीपीले २३ स्थानमा अग्रता कायम गरेको छ। भाजपाले ११ स्थानमा अग्रता कायम गर्दै २ सिटमा जित हात पारेको छ भने कांग्रेसले ४ सिटमा अग्रता कायम गरिररहेको छ।
मेघालय
मेघालयमा ६० सिटका लागि २७ फ्रेब्रु्अरीमा निर्वाचन भएको थियो। कांग्रेस यहाँ आफ्नो पकड जोगाउन लागेको छ। बीजेपी आफ्नो सरकार बनाउने दाउमा रहेको छ। त्यस्तै ममता बनर्जीको तृणमुल कांग्रेसले पनि यस पटक उम्मेदवारी दिएको छ। त्यस्तै एनपीपी र युडीपी जस्ता क्षेत्रीय दलहरु सत्तामा रहेका छन्। यहाँ नेसनल पिपल्स पार्टीका कोनराड संगमा मुख्यमन्त्री छन्।
सन् २०१८ को चुनावमा कांग्रेसले यहाँ ५९ सिटमा २१ सिट जितेको थियो। नेसनल पीपल्स पार्टीले २० सिट जितेको थियो। बीजेपीले दुई सिट मात्र जितेको थियो। चुनावपछि बीजेपीले नेसनल पीपल्स पार्टीसँग मिलेर सरकार बनाएको थियो।
यो पटक नेसनल पीपल्स पार्टीले २३ सिटमा अग्रता कायम गरेको छ भने एक सिटमा जित हात पारेको छ। युनाइटेड डेमोक्रेटिक पार्टीले आठ स्थानमा अग्रता कायम गरेको छ। बीजेपी र कांग्रेसले समान ५/५ स्थानमा अग्रता कायम गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772091987.png)
-1772089410.png)
-1764146706.png)
