काठमाडौं– जजीरा एयरवेजले गौतमबुद्ध अन्तर्राष्ट्रिय विमानस्थल भैरहवामा पुन: उडान सुरु गर्ने भएको छ। यही फागुन २५ गतेदेखि पुन: उडान सुरु गर्ने जजीराले जनाएको छ। हप्तामा ३ वटा उडान हुनेछन्।
जजीराले भैरहवाबाट कुवेतका लागि मंगलबार, बिहीबार र शनिबार नेपाली समय अनुसार बिहान ८:०५ बजे उडान भर्नेछ भने कुवेतमा स्थानीय समय अनुसार बिहान १०:५५ बजे अवतरण गर्ने छ।
साथै, जजीरा एयरवेजले भैरहवादेखि कुवेतसम्म २८,८३६ रूपैयाँको विशेष प्रारम्भिक एकतर्फी उडानका भाडा कायम गरेको नेपालस्थित जजीरा एयरवेजका जनरल सेल्स एजेन्ट तथा सोसाइटी इन्टरनेशनल ट्राभल सर्भिसेस्का अध्यक्ष रविचन्द्र सिंहले बताए।
नेपालमा जजीरा एयरवेजको उडान सञ्चालनमा निरन्तर सहयोग र प्रोत्साहन पुर्याएकोमा नेपाल नागरिक उड्डयन प्राधिकरणप्रति पनि जजीरा एयरवेजले कृतज्ञता प्रकट गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752319244.png)
-1749826086.png)
