धरान- मोफसलको लोकप्रिय प्रतियोगिता बुढासुब्बा गोल्डकपको २३औँ संस्करण शनिबारदेखि धरान–१६ स्थित रंगशालामा सुरु हुँदैछ।
प्रतियोगिताको सम्पूर्ण तयारी पूरा भएको आयोजक धरान फुटबल क्लबका अध्यक्ष किशोर राईले शुक्रबार पत्रकार सम्मेलन गरी जानकारी दिए। उद्घाटन समारोहमा ब्रिटिस गोर्खा ब्रिगेड ब्यान्डको ९० जनाको टोलीले विशेष प्रस्तुति दिने अध्यक्ष राईले जानकारी दिए।
प्रतियोगिताको उद्घाटन खेल आयोजक धरान र युकेएफसी भारतबीच हुने तालिका छ। प्रतियोगितामा आयोजक धरान, युकेएफसी भारत, केबीपीएस बङ्गलादेश, एभेनियर एफसी क्यामरुन, नेपाल पुलिस क्लब काठमाडौं, बागमती युवा क्लब सर्लाही, केएफटिसी झापा र एन्फा मोरङ गरी कूल आठ टोलीको सहभागिता रहेको छ।
नेपालको ‘ए’ डिभिजन क्लबहरू मनाङ मर्स्याङदी क्लब, थ्री स्टार क्लब, नेपाल आर्मी क्लब, संकटा क्लब, पोखराको सहारालगायत क्लबको भने यस पटक धरानमा उपस्थिति नहुने भएको छ। आयोजकले यस पटक उनीहरूलाई नबोलाएको बताएको छ।
बाइसौँ संस्करणको बुढासुब्बा गोल्डकपको उपाधि मनाङ मर्स्याङदी क्लबले जितेको थियो। २०७६ फागुन १७ गते भएको फाइनल खेलमा नेपाल पुलिस क्लबलाई ३–१ गोल अन्तरले हराउँदै मनाङले उपाधि जितेको थियो। २०७६ पछि कोरोनाका कारण प्रतियोगिता हुन सकेको थिएन।
यसपालि पहिलो पटक कोड आईटीसँग सहकार्य गरेर प्रतियोगिताको एप्स बनाएर अनलाइन टिकट काट्न सकिने र खेलहरूको सबै जानकारी दिइने पनि आयोजक क्लबले जनाएको छ।
फागुन २० गतेसम्म हुने प्रतियोगिताको फाइनल विजेताले १० लाख र उपविजेताले पाँच लाख पाउनेछ। उत्कृष्ट खेलाडीले एक लाख पाउनेछन्।
खेल हेर्न ६५ वर्ष उमेरमाथिका ज्येष्ठ नागरिक र अपाङ्गता भएका, बालबाालिकाका लागि प्रवेश निःशुल्क गरिएको आयोजकले जनाएको छ। उद्घाटन खेल तथा क्वार्टरफाइलनसम्मको खेलका लागि प्रवेश शुल्क एक सय रूपैयाँ राखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1764580720.png)
-1763721444.png)
-1763559424.jpg)
-1764080971.png)
