नयाँ दिल्ली– भारतको दक्षिणी राज्य तमिलनाडुमा शनिबार एक उत्सवमा भागदौड मच्चिँदा कम्तीमा चार महिलाको मृत्यु भएको छ। उक्त घटनामा अन्य आठ जना घाइते भएका स्थानीय प्रहरीले जनाएको छ।
तमिलनाडु राज्यको तिरुपतुर जिल्लामा भएको भागदौडमा घाइते भएका सबै जनालाई उपचारका लागि स्थानीय अस्पतालमा पठाइसकिएको छ।
जिल्ला प्रहरी कार्यालयका अनुसार भागदौड मच्चिँदा लत्ताकपडा वितरणको आशामा करिब ६०० देखि ७०० मानिस घटनास्थलमा भेला भएका थिए।
प्रहरीका अनुसार जिल्ला प्रशासनकार्यालयबाट पूर्वअनुमति नलिई उक्त मेला सञ्चालन गरिएको थियो। भारतमा धार्मिक तथा सांस्कृतिक महोत्सवमा हुने भीड र भीडलाई व्यवस्थापन गर्ने संयन्त्रको कमजोरकिा कारण भागदौड मच्चिने र यस्ता भागदौड तथा झडपमा हरेक बर्ष धेरै नागरिकहरूले ज्यान गुमाउने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
