सर्वेश्वरदयाल सक्सेनाका दुई कविता

साहित्य डबली

नेपाल लाइभ शनिबार, माघ १४, २०७९ १४:५०

सर्वेश्वरदयाल सक्सेना (१९२७–१९८३) प्रसिद्ध भारतीय कवि हुन्।

उनले आफ्नो जीवनकालमा कविता, कथा र नाटक लेखनका साथै बालसाहित्यमा पनि ठूलो योगदान गरेका छन्। उनी पत्रिका र बालपत्रिको सम्पादक समेत भए। कवि सक्सेनाका दुई अनुवादित कविता:

भोक

जब
भोकसँग लड्न
कोही उभिरहेको हुन्छ
ऊ सुन्दर देखिन थाल्छ

झम्टिरहेको बाज
फँडा उठाइरहेको साँप
दुई खुट्टाले उभिएर
काँडासहितको सानो पात खाइरहेको बाख्रा
झाडीमा गुपचुप हिँडिरहेको चितुवा
टोकरीमा उल्टो झुण्डिएको
फल ठुँगिरहेको सुँगा
वा यी सबैको ठाउँमा मान्छे हुन्थ्यो त

जब
भोकसँग लड्न
कोही उभिरहेको हुन्छ
ऊ सुन्दर देखिन थाल्छ

सम्बन्ध
आफू कपडा पहिरिएर
अर्कोलाई कपडा पहिरिएको देख्न

आफू कपडा पहिरिएर
अर्कोलाई कपडा नपहिरिएको देख्न
आफू कपडा नपहिरिएर
अर्कोलाई कपडा नपहिरिएकै देख्न
तीन फरक फरक सम्बन्ध बनाउनु छ

यिनीहरूमध्ये
पहिलोबाट तिमीले मन बहलाउनु छ
दोस्रोलाई खोज्न जानु छ
अनि तेस्रोसँग मिलेर
क्रान्ति र सिर्जनाको झण्डा उठाउनु छ।

अनुवाद : समर्पण श्री

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपद्को सामना गर्न सबै पक्ष मिलेर अगाडि बढ्नुपर्छः प्रधानमन्त्री ओली

डिसेम्बर २५ मा ‘सोनु निगम लाइभ इन नेपाल’

प्रधानमन्त्री दैवी प्रकोप उद्धार कोषमा एमाले–कांग्रेसको ५०/५० लाख