काठमाडौं– मंगलबार संसद् भवनबाहिर आत्मदाहको प्रयास गरेका प्रेम प्रसाद आचार्यको निधन भएपछि सामाजिक सञ्जालमा उनलाई श्रद्धाञ्जली दिने क्रम चलिरहेको छ। उनको निधनले सामाजिक सञ्जालमा एउटा बहस पनि निम्त्याएको छ। कलाकारहरूले पनि राज्यप्रति प्रश्न उठाउँदै प्रेमलाई श्रद्धाञ्जली दिएका छन्।
फिल्म निर्देशक निश्चल बस्नेतले सरकार असफल भएर पनि देशको जिम्मेवारी बोकेर बसेको बताउँदै उनले फेसबुकमा स्टाटस लेखेका छन्।
उनले लेखेका छन्–
सुन्दा र पढ्दा यति दुःख लाग्यो, भोग्ने लाई के भयो होला। मलाई जहिले लाग्थ्यो, वि लिभ इन अ फेल्ड स्टेट, फेरि प्रमाणित भयो आज। तर दुखद् यो भयो कि यहाँ कसैको ज्यान पनि गयो। प्रेम जीले दिनुभएको सुझाबमा सरकार कसरी असफल भएर पनि देशको जिम्मेवारी बोकेर बसेको छ आँखा चिम्लेर कान थुनेर बसेको छ प्रष्ट देख्न सक्छौं हामी।
सरकारमा बस्ने, संसदमा बस्नेले राज्यलाई जिम्मेवार अबपनि नबनाउने हो भने जुनसुकै पार्टीको सरकार बनेपनि जनताको सरकार कहिले बन्ने छैन।
संसदमा सुनाइयोस् वहाँ ले लेखेका कुराहरू, बुझ्नेले धेरै काम गर्नेछन् जनताको लागि, नबुझ्नेले जे गरिरहेका छन् त्यै गर्नेछन्, मात्र भन्नेछन् हार्दिक श्रदान्जली!
कलाकार दीपकराज गिरीले पनि लेखेका छन्, ‘प्रेमले आत्मदाह गर्दै जलिरहँदा त्यसको धूँवा सिंहदरबार र संसद भवन सम्म पुगेको हुनुपर्छ।’
फिल्म निर्देशक दीपेन्द्र लामाले आत्महत्या गर्नेलाई देवत्वकरण वा दानवीकरण दुवै नगर्न आग्रह गरेका छन्। उनले लेखेका छन्–
आत्महत्या गर्नेलाई सलाम छ भनेर देवत्वकरण नगरौं, आत्महत्या गर्ने अपराधी हो भनेर दानवीकरण पनि नगरौं। समस्या र दु:ख हामी सबैका आ-आफ्नै छन्। हामी सबैजसो शोषित, पीडित, ठगिएका र पेलिएका नै छौं। कसैको मृत्युमा शोक मनाउनु, भावनामा बहनु मानवीय स्वभाव हो। तर, हामीले त्यसो गर्दैगर्दा झेलेर, संघर्ष गरेर, लडेर बाँचिरहेका मान्छेको मनोबल खस्किन दिन हुन्न। बरु हामी केही नगरौं। केही गर्ने हो भने त्यस्तो काम गरौं, जसले मान्छेलाई आत्महत्या होइन संघर्ष गर्नका लागि प्रेरणा मिलोस्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787403787.png)
-1786602170.png)
-1786513116.png)
