भारतको गुजरातबाट टिकापुर आउँदै गरेको बस लखनउमा दुर्घटना, ३ जना नेपालीको मृत्यु

प्रवास

नेपाल लाइभ सोमबार, पुस २५, २०७९ ०९:५७

काठमाडौं– भारतको गुरजातबाट कैलालीको टिकापुरतर्फ आउँदै गरेको यात्रुवाहक बस दुर्घटना हुँदा चार जनाको मृत्यु भएको छ। जसमध्ये ३ जना नेपाली छन्। आइतबार बिहान लखनउ नजिकै बुस दुर्घटनामा परेको हो।

मृतकमध्ये हालसम्म एक जनाको मात्र पहिचान भएको छ। टिकापुर नगरपालिका वडा नम्बर–१ व्यवशाय क्षेत्रका चन्द्रबहादुर साउँदको मृत्यु भएको स्थानीय भूपेन्द्र साउँले जानकारी दिए।

उनका अनुसार मृतक साउँदा परिवारका अन्य सदस्य पनि बसमा सवार थिए। मृतकहरु सबै टिकापुर आसपासका स्थानीय रहेको बुझिएको छ। यस्तै कैयौं घाइते भएका छन्।

लखनउबाट ३० किलोमिटर नेपालतर्फ पुगेपछि बस दुर्घटनामा परेको हो। नेपाली चढेको बसलाई दुईतर्फबाट बसले ठक्कर दिएको बताइएको छ। बसको नम्बर खुल्न सकेको छैन। भारतको गुजरात, सुरत लगायतका क्षेत्रबाट नेपालीहरु मात्रै ओहोरदोहोर गर्न मिल्ने गरी बस सेवा सञ्चालनमा छन्।

सच्याइएको: दुर्घटनामा मृतकको संख्या ४ हुनुपर्नेमा अन्यथा परेकाले सच्याएको छ

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित

निर्माणधीन झोलुङ्गे पुलबाट खसेर दुई जना बेपत्ता

४.४५ अंकले घट्यो नेप्से