चन्दा माग्ने समूहलाई विद्यालयमा प्रवेश गर्न नदिन काठमाडौं महानगरको निर्देशन

समाचार

नेपाल लाइभ बुधबार, पुस २०, २०७९ १७:३६

काठमाडौं– काठमाडौं महानगरपालिकाले आफू मातहतका विद्यालयहरुलाई परिपत्र गर्दै चन्दा माग्ने समूहलाई प्रवेश अनुमति नदिन निर्देशन दिएको छ।

कुनै पनि संघ, संगठनका नाममा चन्दा संकलन गर्न आउने समूहलाई विद्यालय प्रवेशमा रोक लगाउन निर्देशन दिइएको छ। मंगलबार काठमाडौं महानगरपालिकाले महानगरभित्रका सम्पूर्ण विद्यालयलाई एक परिपत्र जारी गर्दै उक्त निर्देशन दिएको हो।

धार्मिक संगठन, विद्यार्थी संगठन, मानवअधिकार, बालअधिकार, सरकारी तथा गैरसरकारी संघ संस्था, लेक्चर आदीका नामबाट जबरस्ती आर्थिक संकलन भइरहेको उल्लेख गर्दै त्यस्ता समूह वा संगठनलाई विद्यालयमा प्रवेश रोक्न भनेको छ।

विद्यालय शान्तिको क्षेत्र भए पनि उक्त विषयको वास्ता नगरी विद्यार्थीहरुलाई उक्साउने, अमर्यादित क्रियाकलाप गर्ने र समग्रमा विद्यालयको शैक्षिक गतिविधिलाई प्रभावित पार्ने गरेको गुनासो आएको उल्लेख गर्दै महानगरको शिक्षा विभागको पूर्व स्वकृत वेगर कसैलाई पनि विद्यालयमा प्रवेश नगराउन परिपत्र गरिएको शिक्षा अधिकारी रामप्रसाद सुवेदीले जानकारी दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी