काठमाडौं– बलिउड उद्योगमा वर्ष २०२२ कयौं सुपरस्टारका लागि राम्रो रहेन। फिल्म रिलिज हुनुभन्दा अघि विवाद र सञ्चार माध्यममा चर्चामा रहेका कयौं फिल्महरु बक्स अफिसमा जम्न सकेनन्।
बलिउडमा चर्चित नाम रहे पनि यी बलिउडकर्मीहरुले आफ्नो नाम अनुसारको कमाई यो वर्ष गर्न सकेनन्। उनीहरुले अभिनय गरेको फिल्म बक्स अफिसमा आइपुग्दा फ्लप सावित भए।
आमिर खानको लालसिंह चड्ढा
बलिउडका मिस्टर परफेक्शनिष्ट भनिने अभिनेता आमिर खानको फिल्म ‘लालसिंह चड्ढा’ चार वर्षको पर्खाइमा रिलिज भएको थियो। यो फिल्मलाई लिएर आमिरले ६ वर्ष मिहेनत पनि गरेका थिए। आमिर खानको फिल्मका लागि दर्शकहरु सधैं पर्खाइमा हुन्थे।
फिल्म दंगलको सफलतापछि आमिरले सुरु गरेको प्रोजेक्ट थियो लालसिंह चड्ढा। यो अंग्रेजी फिल्म ‘फरेस्ट गप’को रिमेक थियो। यो फिल्मलाई लिएर आमिर र निर्माणपक्षले धेरै अपेक्षा राखेका थिए। तर फिल्म हलमा पुग्दा दर्शक उत्साही हुन सकेनन्। जसका कारण फिल्म नराम्ररी बजारिन पुग्यो।
फिल्मले जम्मा ६० करोड भारतीय रुपैयाँभन्दा माथि कमाउन सकेन। यो आमिर खानको अरिअरकै सबैभन्दा न्यून कमाई हो।
फ्लपमा सबैभन्दा माथि अक्षयकुमार
बलिउडका खिलाडी अक्षय कुमार यो वर्ष फ्लप कलाकारको सूचीमा पहिलो नम्बरमा छन्। यो वर्ष उनका चार फिल्म हलमा प्रदर्शन भएका थिए। तर चारै फिल्म बक्स अफिसमा नराम्रोसँग पिटिए।
बच्चन पाण्डेय, पुथ्वीराज, रक्षाबन्धन र रामसेतु जस्ता फिल्महरुले बक्स अफिसमा भाउ नै पाएनन्। उनको करिअरमै सबैभन्दा नराम्रो वर्षका रुपमा लिइन्छ। २६ दिनमै फिल्मको सुटिङ सक्याउने अक्षय कुमार अहिले क्रिटिक्सको नजरमा सबैभन्दा फ्लप हिरोका रुपमा चित्रित छन्।
ऋतिकको जादू पनि चलेन
तमिल फिल्म विक्रम वेधा दक्षिण भारतमा खुब चलेको थियो। तर उक्त फिल्मको हिन्दी रिमेकलाई बक्स अफिसमा दर्शकले स्वागत गरेनन्। कहानी एउटै भएका कारण पनि ऋतिकको जादू यसपाली चलेन। सैफ अली खान र ऋतिकको जोडी थियो।
तर उनीहरुले दर्शकलाई हलसम्म तान्न सकेनन्। ऋतिकका लागि पनि यो वर्ष फिल्म करिअरमा राम्रो हुन सकेन। उनी आफ्नो निजी जीवनका कारण पनि धेरै चर्चा र विवादमा आइरहे।
रणवीर सिंहको पनि उस्तै
अभिनेता रणवीर सिंहका लागि पनि यो वर्ष खास रहेन। हरेक वर्ष कुनै न कुनै सुपर हिट फिल्न दिने रणवीरका लागि यो वर्ष फलदायी रहेन।
उनको फिल्म ८३लाई लिएर धेरै चर्चा गरिएको थियो र आशा पनि गरिएको थियो। तर उक्त फिल्म दर्शकलाई थिएटरसम्म लैजान असफल भयो। त्यस्तै उनको दोस्रो फिल्म जयेशभाई जोरदारले पनि उनलाई उकास्न सकेन। एकपछि अर्को फिल्म बक्स अफिसमा असफल भइरहेको छ। रणवीरको तेस्रो फिल्म सर्कस रिलिज भयो।
तर त्यसले पनि बक्स अफिसमा जमेर ब्यापार गर्न सकेन। उनले यो फिल्मबाट धेरै आशा गरेका थिए। चर्चा पनि भएको थियो तर थिएटरसम्म दर्शक आउन नसकेपछि रणवीर पनि यो वर्ष फ्लप स्टारकै सूचीमा बस्न बाध्य हुनु परेको छ।
कंगनाको धाकडले पनि देखाएन जादू
विवादित अभिव्यक्तिले पछिल्ला वर्षहरुमा चर्चामा आइरहने बलिउड अभिनेत्री कंगना रनौतको फिल्म धाकड निर्माणताका चर्चामा रहेको थियो। तर यो फिल्म जब सिनेमा घरमा सुरु भयो तब बक्स अफिस खाली रह्यो।
यो फिल्मले जम्मा २ करोड मात्र कमाइ गर्न सक्यो। कंगनाले कहिल्यै पनि फिल्म यति फ्लप हुने अनुमान नै गरेकी थिइनन्।
जब टाइगर श्राफ पनि फिक्का भए
बलिउड अभिनेता टाइगर श्राफ आफ्नो लुक्स, एक्सन र डान्सले चर्चित छन्। दर्शक उनको एक्सन हेर्न सिनेमा हलसम्म पुग्ने गर्दछन्। त्यस्तै उनको डान्सको पनि धेरै फ्यानहरु छन्।
यीनै टाइगर र कृति सेननको पछिल्लो फिल्म हिरोपन्थी दर्शकले अत्यधिक रुचाएका थिए। तर, यसको सिक्वेल २०२२ मा हिरोपन्थी २ रिलिज भयो। तर दर्शकले पहिलोलाई झै माया गरेनन्। उनी पनि यो वर्ष फ्लप अभिनेताको सूचीमै परे।
शाहिद, जोन र सिद्धार्थको खराब अवस्था
फिल्म कबीर सिंहको लोकप्रियतापछि जब अभिनेता शाहिद कपुर आफ्नो फिल्म जर्सी लिएर आए, उनलाई बक्स अफिसले स्वागत गरेन। दर्शकले यसलाई नरुचाएपछि यो फ्लप फिल्म सावित भयो।
त्यस्तै अभिनेता जोन अब्राहमको फिल्म अट्याक पार्ट १ र एक भिलन दोबारा लिएर यो वर्ष फिल्मी बजारमा राज गर्न आए। तर सफल हुन सकेनन्। दुबै फिल्ममा सिनेमा हलसम्म जाने चासो दर्शकले देखाएनन्। पछिल्लो केही वर्षयता जोन अब्राहमका फिल्महरु लगातार फ्लप भइरहेका छन्।
त्यस्तै अभिनेता वरुण धवनको फिल्म भेडियाले पनि केही कमाल गर्न सकेन। नयाँ कन्सेप्टमा भए पनि कमजोर सिजिआई र हल्का अभिनयले भेडियाले कमाल देखाउन सकेन। उनको मुख्य भूमिका रहेको ‘जुग जुग जियो’ले उनलाई यो वर्ष ‘फ्लप’ अभिनेताको सूचीमा राख्यो।
राजकुमार राव र सिद्धार्थ मल्होत्राले पनि यो वर्ष आफ्नो अभिनयले दर्शक तान्न सकेनन्। उनीहरुको फिल्म पनि बजारमा असफल नै रह्यो।
रणवीर– आलियालाई ब्रह्मास्त्रले दियो आशा
यो वर्ष रणवीर कपुर व्यक्तिगत रुपमा चर्चामा रहे। पारिवारिक रुपमा आलिया भट्ट र रणवीरका जोडी गाँसिएको वर्षको रुपमा रह्यो। तर फिल्म करिअरमा धेरै सफलता भने प्राप्त हुन सकेन।
1663462444.png)
रणवीरको फिल्म शमशेरा सुपर फ्लप सावित भयो। तर, केही समयपछि रणवीर–आलियाको जोडी रहेको ब्रह्मास्त्रले भने उनलाई केही उकास्यो।
यो फिल्म ठूलो लगानीमा निर्माण गरिएको थियो। यसले निर्माण खर्च उठाउनुका साथै थप आम्दानीसमेत गर्न सक्यो। तर सोचअनुरुप कमाई भएन।
जसले सफलता र प्रशंसा पाए
यो वर्ष अभिनेता कार्तिक आर्यन र तब्बुको अभिनय रहेको भुलभुलैया–२ ले बक्स अफिसमा जोरदार कमाई गर्यो। उनीहरुको अभिनयको पनि प्रशंसा भयो। त्यस्तै अभिनेता अजय देवगनले यस वर्ष सफलता प्राप्त गरे। उनको तीन फिल्महरु सफल रहे। रनवे ३४, थ्यांक गड, र दृश्यम–२ सफल रहे।
साउथको दवदवा
२०२२ मा बलिउड उद्योगमा अधिकतम दक्षिण भारतका अभिनेताहरुको दवदवा रह्यो। बलिउडका कलाकारहरुको कमाई खराब भइरहँदा कोही सफल भए त साउथका अभिनेताहरु। यो वर्ष जुनियर एनटीआर, राम चरणले आर–आर–आर मार्फत् बलिउडलाई छायाँमा पारे र कमाई पनि गरे।
1672629581.png)
यस्तै अल्लु अर्जुन, यश र ऋषभ शेट्टी चम्के। यो वर्ष बलिउड उद्योगमा आर–आर–आर, केजीएफ २, पुष्पा, कान्ताराले सफलता पाए। उनीहरुले सफलतासँगै वक्स अफिसबाट करौडौं रकम दक्षिण भारत लैजान सफल भए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
