काठमाडौं– पहिलो संस्करणको नेपाल टी–ट्वान्टी क्रिकेट लिगमा शुक्रबार भएको दोस्रो खेलमा खेलमा पोखरा एभेन्जर्सले फार वेस्ट युनाइटेडमाथि तीन विकेटको जित निकालेको छ।
त्रिवि मैदानमा एक सय ८० रनको लक्ष्य पछाएको पोखराले १९ दशमलव तीन ओभरमा सात विकेट गुमाएर पूरा ग¥यो।
पोखराको जितमा आसिफ शेखले सर्वाधिक ४५ रनको योगदान दिए भने कुशल मल्लले ४० तथा सुमित महर्जनले ३८ रन बनाए। त्यस्तै सिद्धान्त लोहनी २३ तथा अमिर हम्जा १२ रन बनाए।
फार वेस्टका लागि उमर अलि, करण केसी र प्रकाश जैशीले समान दुई-दुई विकेट लिए।
त्यसअघि पहिले ब्याटिङ गरेको फार वेस्टले निर्धारित २० ओभरमा नौ विकेट गुमाएर एक सय ८७ रन बनाएको थियोे।
फार वेस्टका लागि उमर अलिले २२ रन बनाउँदा देव खनालले ३३ रन बनाए। रशिद खानले ३२ तथा हसिम अन्सारी र भिम सार्कीले १७-१७ रन जोडे। करण केसीले अविजित १२ रन बनाए।
पोखराका लागि जाहिर खानले तीन तथा तुलबहादुर थापा र अमिर हम्जाले समान दुई-दुई विकेट लिए। कुशल मल्ल र आरिफ शेखले समान एक-एक विकेट लिए। पोखरा ६ खेलमा दुई अङ्क जोड्दै अङ्क तालिकाको पाँचौ स्थानमा उक्लिएको छ। पाँच खेल खेलको फार वेस्ट दुई अङ्कसहित अङ्क तालिकाको अन्तिम स्थानमा छ।
अङ्क तालिका:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
