काठमाडौं– शैली थिएटरले १४औँ राष्ट्रिय बालनाटक महोत्सव आयोजन गर्ने भएको छ। माघको अन्तिम हप्ताबाट सुरु हुने महोत्सव १० दिनसम्म रातोपुलस्थित शैली नाटकघर र रुसी सदन कमलपोखरीमा हुनेछ।
महोत्सवमा सहभागी हुन इच्छुक व्यक्ति, संस्था,नाट्य समूह, विद्यालय लगायतलाई नाटकको स्कृप्ट दर्ता गराउन थिएटरले आह्वान गरेको छ।
आवेदन पुस १० देखि २५ गतेसम्म पठाइसक्न आग्रह गरिएको छ।
स्क्रिप्ट बालबालिकासँग सम्बन्धित हुनुपर्ने आयोजकले जनाएको छ। यद्यपि नाटकमा जसमा जुनसुकै उमेर समूहका कलाकारले अभिनय गर्न सक्नेछन्। महोत्सवमा प्रतियोगिताका लागि मात्र नभई सहभागिताका लागि पनि नाटक पठाउने सकिने शैली थिएटरले जनाएको छ।
नाटकले बालबालिकाको मानोविज्ञान र नैतिक आचरणमा नकारात्मक असर पार्ने कुनै पनि भाषिक र विषयगत कुराको अभ्यास गर्न नपाउने नियम आयोजकले बनाएको छ।
त्यसैगरी नाटक ३० मिनेटदेखि बढीमा ७० मिनेटसम्मको हुनुपर्ने र मञ्चनमा पर्दाअगाडि र पर्दापछाडि गरी बढीमा १५ जना सम्मको समूह मात्र सहभागी हुन पाइने आयोजकको भनाइ छ।
छनोट भएर काठमाडौं उपत्यका बाहिरबाट आउने नाटकको समूहलाई काठमाडौंमा खाना र बस्नको प्रबन्ध आयोजकले गर्नेछ।
प्रतियोगी नाटकहरूलाई विभिन्न ७ विधामा नगद सहित पुरस्कृत गरिने आयोजकले जनाएको छ।
प्रतियोगी नाटकहरूका लागि उत्कृष्ट अभिनेता पुरस्कार ७/७ हजार, उत्कृष्ट निर्देशक पुरस्कार ७ हजार, उत्कृष्ट नाटक पुरस्कार १० हजार, प्रोत्साहन पुरस्कार ५ हजार, पब्लिक च्वाइस पुरस्कार ५ हजार, अनुशासित नाटक पुरस्कार ५ हजार प्रदान गरिने आयोजकले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787673555.png)
-1787673999.jpeg)
-1786602170.png)
-1786513116.png)
