काठमाडौं– अर्थमन्त्री विष्णुप्रसाद पौडेलले मुलुकको अर्थतन्त्र सावधानीपूर्वक कदम चाल्दा ठीक ठाउँमा आउने बताएका छन्।
बुधबार अर्थ मन्त्रालयमा नेपाल आर्थिक पत्रकार संघसँगको छलफलमा उनले सरकारले सावधानीपूर्वक कदम चाल्दा अर्थतन्त्र सकारात्मक दिशामा आउने बताएका हुन्।
मन्त्री पौडेलले अहिले सबैको साझा सरोकारको विषय आर्थिक क्षेत्रमा देखिएका समस्या समाधान खोज्ने र सबल अर्थतन्त्रमा निर्माण गर्न सकिने बताए। उनले अर्थतन्त्रमा देखिएका समस्या समाधान गरी सबल अर्थतन्त्र बनाउन सबैले एउटा एउटा इट्टा थप्दै जानुपर्ने आवश्यता रहेको औँल्याए। उनले मुलुकको अर्थतन्त्र काबुभन्दा बाहिर नभए पनि समस्या भने रहेको स्पष्ट पारे।
‘मुलुकको अर्थतन्त्र काबुभन्दा बाहिर गएको भन्ने होइन। तर अर्थतन्त्रमा समस्याहरु छन्। यदि, मिस ह्यण्डिल ग¥यो भने अर्थतन्त्र अफ्ठ्यारोमा पर्नसक्छ। सावधानिपूर्वक हिँड्यौं भने र ठीक ढङ्गले कदम चाल्दै गयौं भने अर्थतन्त्र ठीक ढङ्गमा आउनसक्ने देखिएको छ,’ उनले भने।
सो अवसरमा मन्त्री पौडेलले अर्थ मन्त्रालयभित्र र बाहिर बसेर हेर्दा फरक पर्ने गरेको अनुभव सुनाए।
‘अर्थ मन्त्रालयभित्र र बाहिर बसेर हेर्दा फरक पर्ने रहेछ। त्यो मैले महसुस गरेको छु। अहिले सबैको साझा सरोकार अर्थतन्त्रको आर्थिक क्षेत्रमा देखिएका समस्याहरुको समाधान खोज्ने र सबल अर्थतन्त्र निर्माणका लागि एउटा एउटा इट्टा थप्दै जाने त्यो क्षणमा हामी छौं। यही दिशामा पत्रकारहरूको पनि रचनात्मक सहयोगको अपेक्षा गर्दछु,’ उनले भने।
मन्त्री पौडेलले अर्थतन्त्रलाई सबल बनाउनका लागि आर्थिक पत्रकारहरूले रचनात्मक भूमिका खेल्नुपर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
