काबुल– अफगानिस्तानको तालिबान सरकारले विश्वविद्यालयमा अध्यनमा लगाइएको प्रतिबन्धपछि सरकारी तथा गैरसरकारी संस्थामा काम गर्न पनि प्रतिबन्ध लगाएको छ।
सबै राष्ट्रिय तथा अन्तर्राष्टिस संस्थाहरुमा काम गर्ने महिलाहरुले उचित ड्रेस कोड पालना नगरेको भन्दै महिलाहरुलाई त्यस्ता संस्थामा काम गर्नबाट रोक लगाइएको अफगानिस्तानको अर्थ मन्त्रालयले जनाएको छ।
महिलालाई काम नलगाउन निर्देशन गर्दै सबै गैरसरकारी संस्थाहरूलाई पठाइएको सूचना, जसको एकप्रति एएफपीद्वारा प्राप्त गरिएकोमा भनिएको छ, ‘इस्लामी हिजाबको पालन नगरिएको र राष्ट्रिय र अन्तर्राष्ट्रिय संगठनहरूमा महिलाहरूको कामसँग सम्बन्धित अन्य नियम र कानुनहरूको बारेमा गम्भीर गुनासोहरू आएकोले उनीहरूलाई काम नलगाउन आग्रह गरिएको छ।’
अफगानिस्तानको अर्थ मन्त्रालयका प्रवक्ताले उक्त आदेशबारे पुष्टि गर्दै सरकारको निर्देशनलाई पालना गर्न सबै संघ–संस्थासँग आग्रह गरेको छ। तालिबान सरकारले हालै महिलालाई विश्वविद्यालय जान रोक लगाएको थियो। दुई वर्षअघि तालिबानको शासन सुरु भएपछि यहाँका महिलाको अधिकार खोसिएको छ। उनीहरूलाई धेरै सार्वजनिक स्थल र कार्यमा प्रतिबन्ध लगाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
