काठमाडौं– बिहारको पूर्वी चम्पारण जिल्लाको एक इँटा भट्टाको चिम्नी फुट्दा सात जनाको मृत्यु भएको छ। उक्त घटनामा परी कैयौं घाइते भएको बीबीसीले उल्लेख गरेको छ।
मृत्यु हुनेमा इँटा भट्टाका सञ्चालक मोहम्मद इशरार पनि रहेका छन्। समाचार एजेन्सी एएनआईका अनुसार मोतिहारी प्रहरीले भनेको छ, ‘घटनामा घाइते भएका मानिसलाई अस्पतालमा भर्ना गरिएको छ। उद्धार कार्य जारी छ। रक्सौलबाट प्रहरीको टिम घटनास्थलमा पुगेको छ।’
मोतीहारीको एसआरपी अस्पतालका सुपरिन्टेन्डेन्ट सुजीतकुमारका अनुसार ८ जना भर्ना गरिएकोमा ३ जना भेन्टिलेटरमा उपचाररत छन्।
बिहारका मुख्यमन्त्री नीतीशकुमारले ट्विट गर्दै भनेका छन्, ‘पूर्वी चम्पारण जिल्लाको रामगढवा थाना क्षेत्रमा इँटा भट्टाको चिम्नी फुटेर दु:खद घटना भएको छ। मृतकका परिवारप्रति गहिरो संवेदना। घाइतेको उचित उपचारका लागि निर्देशन दिइएको छ। उनीहरुलाई शिघ्र स्वास्थ्य लाभको कामना।’
प्रधानमन्त्री नरेन्द्र मोदीले पनि घटनाप्रति दु:ख व्यक्त गरेका छन्। उनले प्रधानमन्त्री राष्ट्रिय कोषबाट पीडितलाई क्षतिपूर्ति दिने बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
