काठमाडौं– नेपाल समाजवादी पार्टीका अध्यक्ष तथा नेकपा माओवादी केन्द्रको चुनाव चिह्न लिएर प्रतिनिधि सभा सदस्य निर्वाचित भएका महेन्द्र राय यादवले आज (शुक्रबार) पद तथा गोपनीयताको शपथ लिने भएका छन्।
प्रतिनिधि सभाका ज्येष्ठ सदस्य पशुपति शमशेर जबराले शुक्रबार यादवलाई प्रतिनिधि सभा सदस्यको रुपमा पद तथा गोपनीयताको शपथ ग्रहण गराउन लागेका हुन्।
बिहीबार प्रतिनिधि सभाका २७० जना सदस्यहरुले पद तथा गोपनीयताको शपथ लिएका थिए। रायसहित सांसदहरु प्रेमबहादुर आले, माया राई र रामकुमार राई भने शपथ लिन छुटेका थिए। राय बिहीबार निर्धारित समयमा शपथका लागि उपस्थित हुन सकेनन्।
यस्तै, आले मातृशोकमा रहेको र राई सुत्केरी भएर अस्पतालमा भएका कारण शपथमा उपस्थित हुन सकेनन्। खोटाङबाट निर्वाचित सांसद रामकुमार राई हवाईजहाज छुटेकाले शपथ ग्रहण समारोहमा सहभागी हुन नसकेका जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1753263770.jpg)
-1764146706.png)
