काठमाडौं– प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच बिहीबार साँझ भेटवार्ता भयो। उनीहरूबीच प्रधानमन्त्री निवास बालुवाटारमा नयाँ सरकार गठनलगायत विषयमा छलफल चलेको थियो।
कांग्रेस सभापतिसमेत रहेका देउवा र प्रचण्डको भेटवार्तामा पछि सत्ता गठबन्धनकै अर्को घटक एकीकृत समाजवादीका अध्यक्ष माधवकुमार नेपाल पनि मिसिएका थिए। शीर्ष नेताबीच गठबन्धनमा शक्ति बाँडफाँडबारे छलफल भएको थियो। तर, बिहीबारको भेटवार्तामा कुनै निष्कर्ष ननिस्किएको बालुवाटारनिकट स्रोतले जनाएको छ। यसर्थ, गठबन्धनका शीर्ष नेताहरूबीच शुक्रबार पनि बैठक बस्ने बताइएको छ। आइतबारसम्ममा सहमति जुट्ने नेताहरूको दाबी छ।
माओवादी केन्द्रको संसदीय दलको बैठकबाट दलको नेतामा चयन भएलगत्तै प्रचण्ड वालुवाटार गएका थिए। राष्ट्रपति विद्यादेवी भण्डारीले आउँदो आइतबार सम्ममा दलहरूलाई नयाँ प्रधानमन्त्री सिफारिस गर्न समयसीमा दिएकी छिन्।
सता गठबन्धनका नेताहरुले संसद्को सपथ र दलको नेता चयन भएपछि नयाँ प्रधानमन्त्री बारेमा छलफल हुने बताएका थिए। बुधबारमात्रै कांग्रेसले पनि संसदीय दलको नेता चयन गरिसकेको छ भने भन्ने बिहीबार सांसदहरुको पनि सपथ भएको छ। यसैदिन माओवादी केन्द्रले पनि संसदीय दलको नेता चयन गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1753263770.jpg)
-1764146706.png)
