काठमाडौं– नेकपा (एकीकृत समाजवादी)का अध्यक्ष माधवकुमार नेपालले सत्ता गठबन्धन दलहरुबीच सरकार गठनबारे कुनै छलफल नभएको बताएका छन्।
बिहीबार संसद् भवन नयाँ बानेश्वरमा पद तथा गोपनीयताको सपथग्रहणपछि पत्रकारसँग संक्षिप्त प्रतिक्रिया दिँदै उनले यस्तो बताएका हुन्।
नेता नेपालले आफू बिरामी भएका कारण गठबन्धनको बैठक बस्न नसकेको जानकारी दिँदै आज या भोलि नै बैठक बस्ने बताए।
‘अहिले हामी नेताहरुबीचमा कुनै छलफल भएको छैन। हामीले छलफल प्रारम्भ गरेकै छैनौं। हिजो (बुधबार)मात्रै नेपाली कांग्रेस संसदीय दलको नेताको चयन भयो’, उनले भने, ‘अस्ति नै बस्ने कुरा थियो। म बिरामी भएका कारण बस्न सकेनौं। अबआज या भोलि नै बैठक बस्छ।’
उनले मुलुकलाई कतातिर लैजाने भन्नेबारे समग्र रूपमा छलफल गर्ने बताए। साथै, उनले गठबन्धन जारी रहने पनि दाबी गरे।
अर्को प्रशंगमा नेता नेपालले आफूलाई ०६४ सालमा राष्ट्रपतिको लागि प्रस्ताव भइसकेको दाबी गरे। साथै,०७२ सालमा संविधान जारी भइसकेपछि पनि पार्टीको सिंगो कमिटीले नै दबाब दिएर आफूलाई राष्ट्रपतिका हुन दबाब दिएको उनले बताए। उनले आफूले राष्ट्रपति अस्वीकार गरेको र आफैँ राष्ट्रपतिमा नगएको दाबी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1753263770.jpg)
-1764146706.png)
