माधव नेपालको स्वास्थ्यावस्था बुझ्न टिचिङ अस्पताल पुगे देउवा र प्रचण्ड

राजनीति

नेपाल लाइभ बुधबार, पुस ६, २०७९ १५:०३

काठमाडौं– स्वास्थ्यमा समस्या भएपछि त्रिवि शिक्षण अस्पतालमा उपचार गराइरहेका नेकपा एकीकृत समाजवादीका अध्यक्ष माधव कुमार नेपाललाई भेट्न प्रधानमन्त्री शेरबहादुर देउवा अस्पताल पुगेका छन्।

देउवासँगै नेकपा माओवादी केन्द्रका अध्यक्ष पुष्पकमल दाहाल (प्रचण्ड) पनि त्रिवि शिक्षण अस्पताल पुगेका छन्।

प्रधानमन्त्री देउवाका प्रेस संयोजक गोविन्द परियारका अनुसार देउवा र प्रचण्डले उपचाररत नेपालको स्वास्थ्यावस्थाको जानकारी लिँदै स्वास्थ्य लाभको कामना गरेका छन्।

अध्यक्ष नेपाललाई रूघा खोकी, ज्वरो र छातिमा सामान्य संक्रमण देखिएको एकीकृत समाजवादीले जनाएको छ। स्वास्थ्यमा समस्या देखिएपछि नेपाललाई उपचारार्थ मंगलबार त्रिवि शिक्षण अस्पताल महाराजगन्जमा भर्ना गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

त्रिविको सम्पति छानबिन आयोगद्वारा प्रधानमन्त्रीलाई प्रतिवेदन हस्तान्तरण

एकीकृत समाजवादीले बनायो २४ सदस्यीय सचिवालय

सार्वजनिक लेखा समिति सभापति पोखरेलकी पत्नीविरूद्ध पक्राउ पुर्जी जारी