‘तिम्रो मेरो साथ’ मा साम्राज्ञीलाई पुष्पको साथ

सिनेमा

नेपाल लाइभ मंगलबार, पुस ५, २०७९ १८:०५

काठमाडौं– साम्राज्ञी राज्यलक्ष्मी शाह र पुष्प खड्का स्टारर सिनेमा ‘तिम्रो मेरो साथ’ को ट्रेलर रिलिज भएको छ।

रमेश एमके पौडेलको निर्देशन एवम् निर्माण रहेको सिनेमाको ट्रेलरले प्रेम, धोका र वदलाको भाव बोल्छ।

सिनेमामा अभिनेता पुष्पको जोडी साम्राज्ञी र डेब्यु गर्ल इमिली लामासँग बाँधिएको छ। पुष्पको दुईतर्फी प्रेम र पुष्पको लागि साम्राज्ञीको एकतर्फी प्रेमले कथामा द्वन्द्व पैदा गरेको छ।

ट्रेलरमा पात्रहरूको खुलासा भए पनि द्वन्द्वको कारण सस्पेन्स राखिएको छ।

सबिर श्रेष्ठको लेखन तथा कार्यकारी निर्माण रहेको सिनेमामा पुष्प, साम्राज्ञी र इमिलीसंगै सन्दीप क्षेत्री, सरोज खनाल, खड्क बहादुर पुन, दिपिशा केसीलगायतका कलाकारहरुको अभिनय छ।

सबिर श्रेष्ठ र बाबुराम निरौलाको स्क्रिप्टमा निर्माण सिनेमामा शिव ढकालको छायांकन, सुवाष भुषाल/योगेश काजीको संगीत, रामजी लामिछानेको कोरियोग्राफी र भुपेन्द्र अधिकारीको सम्पादन रहेको छ।

पुष २९ देखि देशव्यापी प्रदर्शनमा आउने सिनेमामा पासाङ लामा, अर्नव पौडेल र आर्यन पौडेलको लगानी रहेको छ। सिनेमाको सहनिर्मातामा नीरु भण्डारी, अशोक पोखरेल, सुमन पौडेल र सुधिर पराजुली रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सर्लाहीमा बसले थिच्दा सशस्त्र प्रहरी इन्सपेक्टरको मृत्यु

नयाँ पार्टी घोषणाको तयारीमा रहेका भीम रावलको पत्रकार सम्मेलन आज, को–को होलान् उनको साथमा?

नेपालगञ्ज नाकाबाट ५९८ जनाको उद्धार