काठमाडौं– नेपाली काग्रेसका महामन्त्री विश्वप्रकाश शर्माले प्रधानमन्त्री शेरबहादुर देउवालाई संसदीय दलको नेतामा वैकिल्पक उम्मेदवार अघि सार्न प्रस्ताव गरेका छन्। बसेरा होटला भइरहेको शेखर काइराला–गगन थापा समूहको भेलामा भाग लिदै उनले अव नयाँ पुस्ता आउनुपर्ने भन्दै देउवाले पनि वैकल्पिक नाम अघि सार्न आग्रह गरेका हुन्।
‘अहिले जे प्रस्ताव भएको छ। भित्रबाटै प्रशन्नताको अनुभूति भएको छ,’ उनले भने, ‘संसदीय दलको नेताको प्रस्तावक बस्ने भनि शेखर कोइरालाले गरेको कुरामा धेरै खुशीको कुरा हो।’
अब कांग्रेस आधुनिक रुपान्तरण गर्ने थप एक खुड्किलोको रूपमा यो सहमति भएको उनले बताए।
‘सबैको चाहाना संसदीय दलको नेता भएर देश हाक्ने हुन्छ’, उनले भने ‘त्यसका लागि शेखर कोइरालाले जे प्रस्ताव गर्नुभएको छ। यसले युवामा पुस्तान्तरण भएको छ।’
उनले देउवा पक्षबाट पनि नयाँ उम्मेदवार आउनुपर्ने धारणा राखे।
‘उम्मेदवारी दर्ता गर्ने क्षणसम्म पुगिसक्दा शेरबहादुर देउवा पनि वैकल्पिक नाम प्रस्ताव गर्नुपर्ने छ,’उनले भने, ‘यो हुन सक्यो भने लोकतन्त्रमा एउटा असल अभ्यास हुनेछ। ’
आफूहरु संसदीय दलमा निर्वाचित भएपछि सत्ता गठबन्धन भने कायम नै रहने उनले बताए।
सत्ता गठबन्धनलाई दायाँ–बायाँ नहुने गरी अघि बढ्ने उनले बताए। उनले राष्ट्रपतिदेखि सभामुखसम्म सबै पदमा गठबन्धनमा मिलेर जानुपर्ने उनले बताए।
उनले गगन थापा संसदीय दलको नेता बन्दै गर्दा प्रतिस्पर्धामा जे भएपनि कांग्रेस युवाको नेतृत्वमा आएको उनले बताए। उनले निर्वाचनमा सत्ता गठबन्धन बनेर गएकाले आगामी दिनमा पनि त्यसमा इमान्दार भएर निरन्तरता दिनुपर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787800966.jpg)
-1698840930.jpg)
-1786602170.png)
-1786513116.png)
