सहायक सीडीओको हस्ताक्षर किर्ते गरेर बैंकबाट ७० लाख झिकेको आरोपमा ‘महन्त’ जगन्नाथ दास वैष्णव पक्राउ

सुरक्षा/अपराध

नेपाल लाइभ आइतबार, पुस ३, २०७९ ११:०६

बर्दिबास– रुपन्देहीका सहायक प्रमुख जिल्ला अधिकारीको हस्ताक्षर किर्ते गेरर बैंकबाट ७० लाख रुपैयाँ नगद झिकेको आरोपमा प्रहरीले महोत्तरी जिल्लाको मटिहानी गुठीका महन्त जगन्नाथ दास वैष्णवलाई पक्राउ गरेको छ।

जिल्ला प्रहरी कार्यालय महोत्तरीका प्रहरी उपरीक्षक कृष्ण पङ्गेनीका अनुसार महन्त वैष्णवले रुपन्देही जिल्ला अवस्थित मेगा बैंक शाखाबाट ७० लाख रुपैयाँ कीर्ते गरी झिकेको आरोपमा लक्ष्मी नारायण मठबाट आइतबार बिहान पक्राउ गरिएको हो।

महन्त वैष्णवको नाममा रुपन्देहीस्थित मेगा बैंकको खातामा रहेको, ७० लाख रुपैयाँ मौज्दात भएको खाता सरकारले रोक्का राखेको थियो। सरकारले खाता रोक्का राखेको अवस्थामा त्यहाँका सहायक प्रमुख जिल्ला अधिकारीको हस्ताक्षर कीर्ते गरी खाताबाट सो रकम झिकेको आरोपमा महन्तलाई पक्राउ गरिएको हो।

सरकारी हस्ताक्षर कीर्ते गरेको आरोपमा पक्राउ परेका महन्तलाई आवश्यक कारबाहीका लागि रुपन्देही पठाइएको महोत्तरीका प्रहरी उपरीक्षक पङ्गेनीले बताए।

मन्दिरको जमिन बिक्री गरेको आरोपमा दास यसअघि नै गुठीको महन्तबाट निलम्बनमा परेका थिए। पछि गुठी संस्थाले उनको नाममा रहेको सम्पूर्ण जग्गाजमिन बिक्री गर्न रोक लगाएको थियो।

गुठी मातहतको सरकारी जग्गा दुरूपयोग गरेको आरोप लागेपछि सरकारले उनको बैंक खाता समेत रोक्का गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपति पौडेलद्वारा अमेरिकी राष्ट्रपति ट्रम्पलाई बधाई

‘विदेशको ठाउँ काम गरुन्जेल मात्र हुँदोरहेछ’

प्रचण्ड पुगे देवघाट