पर्यटक बसको ठक्करबाट मोटरसाइकल चालकको मृत्यु

समाज

रासस बिहीबार, मंसिर २९, २०७९ १६:३७

काठमाडौं– काठमाडौंको स्वयम्भूमा पर्यटक बसको ठक्करबाट मोटरसाइकल चालक २२ वर्षीय निर्मल लामाको मृत्यु भएको छ।

काठमाडौं महानगरपालिका–१५ स्वयम्भू ठूलो भर्‍याङस्थित सडकमा बा १ प ७६३ नम्बरको पर्यटक बस र बागमती प्रदेश ०२-०१८ प ४९४० नम्बरको मोटरसाइकल एकआपसमा ठोकिँदा मोटरसाइकल चालक सिन्धुलीका लामाको बिहीबार बिहान मृत्यु भएको हो।

दुर्घटनामा गम्भीर घाइते भएका लामाको उपचारका क्रममा त्रिभुवन शिक्षण अस्पताल महाराजगञ्जमा मृत्यु भएको काठमाडौं उपत्यका ट्राफिक प्रहरी कार्यालयका प्रवक्ता प्रहरी वरिष्ठ उपरीक्षक राजेन्द्रप्रसाद भट्टले जानकारी दिए।