तोलामा ७०० रुपैयाँले घट्यो सुनको मूल्य

अर्थ समाचार

नेपाल लाइभ बिहीबार, मंसिर २९, २०७९ ११:०४

काठमाडौं– साप्ताहिक कारोबारको पाँचौं दिन आज (बिहीबार) नेपाली बजारमा पहेँलो धातु (सुन)को मूल्य घटेको छ। बिहीबार सुनको मूल्त तोलामा ७०० रुपैयाँले घटेको नेपाल सुनचाँदी व्यवसायी महासंघले जानकारी दिएको छ।

बिहीबार छापावाल सुनको मूल्य प्रतितोला १ लाख ३ सय रुपैयाँ कायम भएको छ। यस्तै, तेजाबी सुनको मूल्य प्रतितोला ९९ हजार ८०० रुपैयाँ कायम भएको छ।

यसअघि बुधबार भने सुनको मूल्य तोलामा १ हजार रुपैयाँ बढेको थियो। बुधबार छापावाल सुन प्रतितोला १ लाख १ हजार र तेजाबी सुन प्रतितोला १ लाख ५०० रुपैयाँमा किनबेच भएको थियो।

बिहीबार चाँदीको मूल्य पनि तोलामा २० रुपैयाँ घटेर प्रतितोला १ हजार ३८० रुपैयाँ कायम भएको छ। बुधबार भने तोलामा २० रुपैयाँ बढेर चाँदी प्रतितोला १ हजार ४०० रुपैयाँमा किनबेच भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिका र रुसबीच मङ्गलबार रियादमा ‘फलो-अप बैठक’

प्रचण्ड आउने दिन विद्यालय बन्द गर्न माओवादीको पत्र

पाथीभरा केबलकार निर्माण विवाद: ‘नो केबलकार’ समूहलाई सरकारले बोलायो वार्तामा