काठमाडौं– नेपालमा सडक सुरक्षाको माग पनि बढ्दै गएको भन्दै विज्ञहरूले सडक सुरक्षाको विषयलाई सरकारले गम्भीरतापूर्वक लिनुपर्नेमा जोड दिएका छन्।
सरकारले सडक सुरक्षाका लागि पर्याप्त मात्रामा श्रोत, साधनको परिचनालन गर्न नसकेकाले सडक दुर्घटना बढ्दै गएको विज्ञहरूले गुनासो गरेका हुन्। उनीहरूले विदेशी राष्ट्रहरूले सडक दुर्घटना कम गर्दै शून्य दुर्घटनाको योजनामा अघि बढाउन थालेपनि नेपालमा भने हालसम्म पनि सडक सुरक्षाका लागि आवश्यक श्रोत, साधन नै परिचालन गर्न नसकिएको बताए।
नेपालले दुर्घटना न्यूनीकरणको प्रयास र सडक सुरक्षालाई मुख्य प्राथमिकता दिन उनीहरूको आग्रह छ। न्यूज एजेन्सी नेपालसँगको कुराकानीमा सडक सुरक्षा सम्बन्धी विज्ञ डा पुष्पराज पन्तले नेपालले सडक सुरक्षालाई गम्भीरताका साथ दिनुपर्नेमा जोड दिए।
उनले नेपालमा दैनिक रुपमा सडक दुर्घटनाका घटनाहरू बढ्दै गएपनि सडक निर्माण बाहेकका सडक सुरक्षाका लागि आवश्यक व्यवस्थापन हुन नसकेको बताए। सडक सुरक्षा संकेत तथा तालिम दिनका लागि सरकारले सडक सुरक्षामा प्राप्त बजेट नछुट्याउने लगायतका कमजोरीहरू गरिरहेको उनको भनाइ छ।
उनले साधन,श्रोतहरूको परिचालन हुन नसक्नु, आम नागरिक, नागरिक समाज, राजनीतिक दलहरूले समेत सडक सुरक्षाको आवश्यकता महसुस गर्न नसकेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
