काठमाडौं– प्रधानन्यायाधीश चोलेन्द्र शमशेर राणाविरुद्धको ‘महाभियोग निष्क्रिय’ प्रकरणमा संघीय संसद् सचिवालयले सर्वोच्च अदालतलाई प्रत्युत्तर पठाएको छ। सर्वोच्चले बुधबार पठाएको पत्रको आइतबार प्रत्युत्तर पठाइएको संसद् सचिवालयले जनाएको छ।
बुधबार बसेको सर्वोच्च अदालतको पूर्ण बैठक ‘फुल कोर्ट’को निर्णयअनुसार सर्वोच्चका सहरजिष्ट्रार नारायणप्रसाद रेग्मीले संसद् सचिवालयलाई विभिन्न प्रश्नहरु सोधेका थिए। जसमा ‘नवनिर्वाचित प्रतिनिधि सभाले कार्य प्रारम्भ नगर्दैको अवस्थामा कुन संवैधानिक वा कानुनी व्यवस्थाको आधारमा महासचिवले महाभियोगको प्रस्ताव निष्प्रभावी भएको भनी उल्लेख गर्नुभएको हो?’ भन्ने लगायतका प्रश्न सोधेका थिए।
निलम्बित अवस्थामा रहेका प्रधानन्यायाधीश चोलेन्द्र शमशेर राणाले मंगलबार आफूमाथिको महाभियोग निष्प्रभावी भएको भन्दै सम्बन्धित निकायहरुलाई जानकारी गराइदिन संसद् सचिवालयलाई पत्र लेखेका थिए। संसद् सचिवालयका महासचिव भरतराज गौतमले सोहीअनुसार बुधबार पत्र लेखेका थिए।
महासचिव गौतमले सर्वोच्च अदालत लगायतलाई लेखेको पत्रमा भनिएको छ- ‘चोलेन्द्र शमशेर जबराले कार्य सम्पादन गर्न नपाउने भन्ने व्यहोराको पत्र समेत निष्प्रभावी भएको व्यहोरा जानकारीको लागि अनुरोध गर्दछु।’
महासचिवको पत्रसँगै राणा सर्वोच्च फर्किने तयारी गरेका थिए। तर सफल भएनन्। सोही दिन सर्वोच्चले प्रश्न सोधेको थियो।
महासचिवको पत्रविरुद्ध सर्वोच्चमा परेको रिटमाथि शुक्रबार सुनुवाइ गर्दै संवैधानिक इजलासले पत्र कार्यान्वयन नगर्न भनेको थियो। त्यसपछि राणाको सर्वोच्च फर्किने प्रयास असफल भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770630850.jpg)
2026-02-09-02-21-00-1770630648.jpeg)
-1764146706.png)
-1770562345.jpg)
