स्कटल्याण्डसँग नेपालको लज्जास्पद हार, एकदिवसीय मान्यता जोगाउनै सकस

क्रिकेट

नेपाल लाइभ बिहीबार, मंसिर २२, २०७९ १९:०७

काठमाडौं– आईसीसी विश्वकप लिग २ को त्रिदेशीय सिरिज अन्तर्गतको एकदिवसीय खेलमा नेपालले स्कटल्याण्डसँग लज्जास्पद हार ब्यहारेको छ।

नामिबियाको युनाइटेड क्रिकेट क्लब मैदानमा बिहीबार भएको खेलमा नेपालले ८ विकेटको लज्जास्पद हार ब्यहोरेको हो।

नेपालले दिएको १२० रनको झिनो लक्ष्य स्कटल्याण्डले १७ ओभरमै मात्र २ विकेट गुमाएर १२१ रन बनाएर लक्ष्य पूरा गर्यो।

क्रिस्टोफर म्याकब्राइड अविजित ४६, जर्ज मुन्सेले ४५, केल कोत्जरले १६ र रिची ब्रिङ्टनले अविजित १२ रन बनाएपछि स्कटल्याण्डले सहजै लक्ष्य भेट्टायो।

नेपालका लागि गुल्सन झा र दीपेन्द्रसिंह ऐरीले एक–एक विकेट लिएका थिए।

यसअघि टस जितेर पहिले ब्याटिङ गरेको नेपालले ३५.३ बलमै सबै विकेट गुमाएर ११९ रनमात्र बनाउन सक्यो।

नेपालका लागि कप्तान रोहित पौडेलले सर्वाधिक ४७ रन बनाए। यस्तै, सोमपाल कामीले १६, दीपेन्द्रसिंह ऐरीले १४ तथा ललित राजबंंशीले ११ रन जोड्दा अन्य खेलाडीले दोहोरो अंकको रनसमेत बनाउन सकेनन्।

स्कटल्याण्डका मार्क वाट, ब्राण्डन म्याकमुलेन र सफियान सरिफले समान २-२ विकेट लिए।
यस सिरिजमा नेपाल, नामिबिया र स्कटल्याण्डको सहभागिता रहेको छ।

सात टोली सहभागी विश्वकप लिग २ मा जितसँगै ३२ स्कटल्याण्डले ४६ अंक जोडको छ। उ लिगको शीर्ष स्थानमा रहेको छ।

नेपाल भने २४ खेलमा मात्र १८ अंकसहित छैठौं स्थानमा रहेको छ।

यस हारसँगै नेपालको शीर्ष तीनमा रहेर विश्वकप छनोटमा पुग्ने सम्भावना लगभग समाप्त भएको छ।

साथै, शीर्ष ५ मा रहेर एकदिवसीय मान्यता कायम राख्न पनि नेपाललाई गाह्रो पर्ने देखिन्छ। किनकि, त्यसका लागि अबका बाँकी १२ खेलमा कम्तीमा ९ खेलमा जित आवश्यक छ।

No photo description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी