नेपालद्वारा स्कटल्याण्डसामु झिनो लक्ष्य प्रस्तुत

क्रिकेट

नेपाल लाइभ बिहीबार, मंसिर २२, २०७९ १७:०८

काठमाडौं– आईसीसी विश्वकप लिग २ को त्रिदेशीय सिरिज अन्तर्गतको जारी एकदिवसीय खेलमा नेपालले स्कटल्याण्डसामु १२० रनको झिनो लक्ष्य प्रस्तुत गरेको छ।

नामिबियाको युनाइटेड क्रिकेट क्लब मैदानमा बिहीबार टस जितेर पहिले ब्याटिङ गरेको नेपालले ३५.३ बलमै सबै विकेट गुमाएर ११९ रनमात्र बनाउन सक्यो।

नेपालका लागि कप्तान रोहित पौडेलले सर्वाधिक ४७ रन बनाए। यस्तै, सोमपाल कामीले १६, दीपेन्द्रसिंह ऐरीले १४ तथा ललित राजबंंशीले ११ रन जोड्दा अन्य खेलाडीले दोहोरो अंकको रनसमेत बनाउन सकेनन्।

स्कटल्याण्डका मार्क वाट, ब्राण्डन म्याकमुलेन र सफियान सरिफले समान २-२ विकेट लिए।

यस सिरिजमा नेपाल, नामिबिया र स्कटल्याण्डको सहभागिता रहेको छ।

नेपालले दिएको १२० रनको झिनो लक्ष्य पछ्याइरहेको स्कटल्याण्डले यो समाचार तयार पार्दासम्म ३ ओभरमै विनाविकेटको क्षतिमा ३० रन बनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी