माओवादी पदाधिकारीको शनिबारको बैठक सकियो, आइतबार दिउँसो २ बजे पुनः बस्ने

राजनीति

नेपाल लाइभ शनिबार, मंसिर १७, २०७९ १७:२३

काठमाडौं– नेकपा (माओवादी केन्द्र)को शनिबार बोलाइएको पदाधिकारी बैठक सकिएको छ। पार्टी कार्यालय पेरिसडाँडामा दिउँसो ३ बजेका लागि बोलाइएको बैठक चुनावी समीक्षामा केन्द्रित भएको उपमहासचिव मातृका यादवले बताए।

यादवले शनिबारको बैठकमा बोल्ने नेताहरुले रिपोर्टिङ गरेको बताए। ’अहिले हामी बोल्ने क्रममा छौँ। भोलि दिउँसो २ बजे पुनः बैठक बस्नेछ’, यादवले भने।

महासचिव देव गुरुङले निर्वाचन मूलतः शान्तिपूर्ण तरिकाले सम्पन्न भएको, कहाँकहाँ पार्टीको कमजोरी भयो र कहाँकहाँ सबल पक्ष रहेको भन्ने विषयमा शनिबारको छलफल केन्द्रित रहेको बताए। अरु विषयमा छलफल नै नभएको उनको भनाइ छ । ’भावी यात्राको बारेमा कुरा उठेको छैन’, उनले भने।

माओवादी केन्द्रको बैठका लागि दुई अजेन्डा तय गरिएका थिए। पहिलो, बैठकमा मंसिर ४ को निर्वाचनको अहिलेसम्म आएका नतिजाको समीक्षा गरिनेछ। दोस्रो, आगामी सरकार गठनका सन्दर्भमा भइरहेका पहल र प्रयत्नका सन्दर्भमा पनि छलफल गरिनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कक्षा १२ को परीक्षा दिँदै ६८ वर्षीय लालबहादुर

भारत–पाकिस्तान तनावले नेपालमा आर्थिक संकटको जोखिम, पूर्व गभर्नर चिरञ्जीवी नेपालको चेतावनी

तीन दिवसीय कार्यक्रमका साथ बुद्धजयन्ती मनाइँदै