फुटबल

यी ९ टोली समूह चरणबाटै बाहिरिए, शुक्रबार मध्यराति १६ टोलीकै टुंगो लाग्ने

नेपाल लाइभ बिहीबार, मंसिर १५, २०७९ १२:३३

काठमाडौं– कतारमा जारी विश्वकप फुटबलमा समूह चरणअन्तर्गत अन्तिम चरणका खेल पनि आधा सकिएका छन्। यससँगै ४ वटा समूहमा दोस्रो चरणमा जाने टोलीको टुंगो लागिसकेको छ।

यस्तै, अन्तिम खेल अघि नै ब्राजिल र फ्रान्स पनि नकआउट चरणमा पुगिसकेका छन्। नौवटा देश भने प्रतियोगिताबाट बाहिरिइसकेका छन्।

जसमा समूह ‘ए’बाट कतार र इक्वेडर बाहिरिएका छन्। आयोजक कतार अन्तिम खेलअघि नै बाहिरिएको हो। कतारले सबै ३ खेल हारेको छ।

इक्वेडर भने ४ अंक जोड्नका बाबजुद समूहमा तेस्रो हुँदै बाहिरिएको हो। यो समूहबाट नेदरल्याण्ड्स र सेनेगल अन्तिम १६ मा पुगेका छन्।

यस्तै, समूह ‘बी’बाट वेल्स र इरान बाहिरिएका छन्। यो समूहबाट इंग्ल्याण्ड र अमेरिकाले नकआउट चरणको टिकट काटे।

यसैगरी, समूह ‘सी’बाट साउदी अरेबिया र मेक्सिको बाहिरिएका छन्। एसियाली राष्ट्र साउदी अरेबिया पहिलो खेलमा दाबेदार अर्जेन्टिनालाई पराजित गर्नका बाबजुद बाँकी २ खेल हारेपछि प्रतियोगिताबाट बाहिरिएको हो। यो समूहबाट अर्जेन्टिना र पोल्याण्ड प्रि–क्वार्टरफाइनलमा पुगे।

यसैगरी, समूह ‘डी’बाट डेनमार्क र ट्युनिसिया बाहिरिएका छन्।साविक विजेता फ्रान्सलाई अन्तिम खेलमा पराजित गर्नका बाबजुद ट्युनिसिया बाहिरिएको हो। यो समूहबाट फ्रान्स र एसियाबाट छनोट भएर विश्वकप खेलेको अष्ट्रेलिया अन्तिम १६ मा पुगेका छन्।

अब समूह ‘ई’, ‘एफ’, ‘जी’ र ‘एच’का अन्तिम खेलहरू हुन बाँकी छन्। तर, समूह ‘एफ’मा रहेको क्यानडा यसअघि नै प्रतियोगिताबाट बाहिरिइसकेको छ।

पहिलो चरणबाटै बाहिरिने सबै १६ टोलीको टुंगो शुक्रबार मध्यराति लाग्नेछ।

यो पनि पढ्नुहोस

यी हुन् जारी विश्वकपमा पेनाल्टीमा गोल गर्न नसकेका मेसीसहित ४ खेलाडी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारत–पाकिस्तान तनावः भारतद्वारा ३२ विमानस्थलबाट नागरिक उडान बन्द

सुरक्षा जोखिमलाई लिएर पाकिस्तान सुपर लिग पनि स्थगित

पाकिस्तानले घोषणा गर्यो भारतविरुद्ध अपरेशन ‘बुन्यान उल मर्सूस’