दोलखाका १० वटा मतदान केन्द्रमा १५ गतेभित्र मतदान

राजनीति

नेपाल लाइभ आइतबार, मंसिर ११, २०७९ २०:०१

काठमाडौं- निर्वाचन आयोगले दोलखाका १० वटा मतदान केन्द्रमा यही मंसिर १५ गतेभित्र पुनः मतदान गराउने निर्णय गरेको छ।

मंसिर ४ गतेको मतदानमा बुथमा प्रवेश धाँधली गरेको पाइएपछि आयोगले उक्त स्थानमा पुन: मतदान गराउने तयारी गरेको हो।

आयोग पदाधिकारीको आइतबार बसेको बैठकले उक्त निर्णय गरेको हो।

आयोगले दोलखाको वैतेश्वर गाउँपालिका- ६ वैतेश्वर माध्यमिक विद्यालय मतदान केन्द्र “क”, “ख” र “ग”, वैतेश्वर गाउँपालिका- २ जनज्योति माध्यमिक विद्यालय पुतलिकाठ मतदान केन्द्र “क” र “ख” र तामाकोशी गाउँपालिका- ३ हेल्थपोष्ट भवन जफे मतदान केन्द्र “क” र “ख” गरी ७ (सात) वटा केन्द्रमा पुन: मतदान गराउने आयोगले जनाएको छ।

यस्तै वैतेश्वर गाउँपालिका- ६ वैतेश्वर माध्यमिक विद्यालय मतदान केन्द्र “क”, “ख” र “ग”, वैतेश्वर गाउँपालिका- २ जनज्योति माध्यमिक विद्यालय पुतलिकाठ मतदान केन्द्र “क” र “ख” र तामाकोशी गाउँपालिका- ३ हेल्थपोष्ट भवन जफे मतदान केन्द्र “क” र “ख” गरी ७ (सात) वटा मतदान केन्द्रमा मिति २०७९ /०८/०४ मा भएको मतदान रद्द गरी उल्लेखित केन्द्रहरुमा पुन: मतदान गराउने आयोगले जनाएको छ।

यस्तै वैतेश्वर गाउँपालिका- ३ कालिढुङ्गा माध्यमिक विद्यालय मतदान केन्द्र “ख” कालिढुङ्गा माध्यमिक विद्यालय मतदान केन्द्र “क”, “ख” र “ग” केन्द्रमा मिति २०७९/०८/०४ मा भएको मतदान रद्द गरी पुन: मतदान गराउने आयोगले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज