दोलखाको १० मतदान केन्द्रमा १५ गते पुनः निर्वाचन

राजनीति

नेपाल लाइभ आइतबार, मंसिर ११, २०७९ १९:३४

काठमाडौं– दोलखाका १० मतदान केन्द्रमा मंसिर १५ गते पुन: मतदान गर्ने निर्वाचन आयोगले निर्णय गरेको छ।

४ मंसिरमा भएको मतदानमा बुथ क्याप्चर भएको आरोपको छानबिन गर्दै निर्वाचन आयोगले उक्त निर्णय गरेको हो।

नेपाली कांग्रेसले बुथ क्याप्चर गरेको भन्दै नेकपा एमालेका उम्मेदवार बालकृष्ण सिवाकोटीले मुख्य निर्वाचन अधिकृतको कार्यालयमा उजुरी गरेका थिए।

आयोगका उपसचिव तथा सहायक प्रवक्ता ऋषिराम भुसालले प्रेस विज्ञप्ति जारी गर्दै १५ गते पुन: मतदानको निर्णय गरिएको जानकारी दिए।

दोलखाको बैत्यश्वरको बैत्यश्वर मावि र वडा कार्यालय पिपलबोट मतदान केन्द्र, तामाकोशीको अमर मावि मतदान केन्द्र, शैलुङको नविन मावि र मेलुङ ४ को जुके प्राविमा पुन: मतदानको माग गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज