काठमाडौं– सामुदायिक वन उपभोक्ता महासंघको आयोजनामा १६ दिने लैंगिक हिंसाविरुद्धको कार्यक्रमअन्तर्गत आइतबार सडक नाटक देखाइएको छ।
अभियानको तेस्रो दिन आइतबार महासंघले माइतीघर मण्डलामा सचेतनामुलक ‘आर्ट पर्फमेन्स’ आयोजना गरेको हो।
निर्दोष पन्छी’ शीर्षक दिइएको उक्त नाटकमा महिलामाथि हुने हिंसालाई प्रस्तुत गरिएको थियो। उक्त नाटकमा पहिले तीन जना महिलाहरु हिंसासँग सम्बन्धित पर्चाहरु लिएर उभिरहेका हुन्छन् तर सोही ठाउँमा तीन जना पुरुष ती उभिएका नारीमाथि धकेल्ने र लुछ्ने गर्छन्।
करिब १० मिनेटजति देखाइएको सडक नाटकमा महिलामाथि कसरी हिंसा हुन्छ भन्ने प्रस्तुत गरिएको थियो। महासंघको आयोजना र आभा फर क्रियटिभिटीको सहकार्यमा उक्त सडक नाटक प्रस्तुत गरिएको हो।
नोभेम्बर २४ देखि विश्वव्यापी रुपमा सुरु भएको १६ दिने अभियान डिसेम्बर १० सम्म चल्नेछ।
अभियानमा सडक नाटक, सचेतनामुलक र्याली, निबन्ध प्रतियोगिता, ड्रामालगायतका कार्यक्रमहरु राखिएको महासंघले बताएको छ।
तस्बिरहरु : मनिष अर्याल
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
