काठमाडौं– काठमाडौँको टुँडिखेलमा भूमिगत पार्किङ बन्ने भएपछि अकुपाई टुँडिखेलका अभियान्ताहरूको ध्यानाकर्षण भएको छ।
उनीहरूले एक विज्ञप्ति जारी गर्दै काठमाडौं महानगरपालिकाको नगर सभाले ३ तहको भूमिगत पार्किङ निर्माणको लागि डिपिआर तयार गर्ने निर्णय भएकोमा ध्यानाकर्षण भएको जनाएका हुन्।
काठमाडौंको फोक्सो, भूमिगत जल भण्डारको पुनर्भरणको श्रोत, महाङकाल, दुई मजु, गुरु मापा जस्ता कैयौं मूर्त अमूर्त सांस्कृतिक सम्पदा भएको स्थल हो।
ऐतिहासिक तथा राजनैतिक परिवर्तनको साक्षीको रूपमा रहेको खुल्ला मञ्च भएको क्षेत्र तथा दैविक प्रकोपको बेला आश्रय केन्द्र मासिँदै गएको छ।
यही अतिक्रमणलाई नजरअन्दाज गर्न नसकी खुल्ला क्षेत्रको महत्त्वबारे जनचेतना अभिवृद्धि गर्न र पूर्ण टुँडिखेलको स्वतन्त्रताको लागि अकुपाइ टुँडिखेल अभियान सुरु भएको थियो।
महानगरका वडा अध्यक्षहरू सँग खुल्ला मञ्चलाई पहिले जस्तै घाँसे मैदान बनाउने भनी अभियान्ताहरु सँग विभिन्न चरणमा छलफल भइरहेको थियो।
सोही समयमा खुल्ला मञ्च सफा गर्ने काम पनि भएको थियो।
तर नगर सभाले खुल्ला मञ्चमा ३ तहको भूमिगत पार्किङ निर्माणको लागि डिपिआर तैयार गर्ने निर्णय भएकोमा अभियन्ताले ध्यानाकर्षण भएको जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763721444.png)
-1763721444.png)
-1763559424.jpg)
