काठमाडौं– प्रतिनिधिसभा र प्रदेशसभा सदस्यको मतगणना जारी छ। अहिलेसम्मको मतपरिणामअनुसार नेकपा एमालेबाट ३, कांग्रेसबाट १, माओवादीबाट १, राष्ट्रिय स्वतन्त्र पार्टीबाट २ जना र नागरिक उन्मुक्ति पार्टीबाट १ जना महिला उम्मेदवार निर्वाचित भएका छन्।
दलित समुदायबाट १ जना मात्रै निर्वाचित भएका छन्।
रेखा शर्मा, तोसिमा कार्की, सोविता गौतम, विद्या भट्टराई, रञ्जिता श्रेष्ठ, जुलीकुमारी महतो, सिता गुरुङ्ग र ज्वालाकुमारी साह लगायतका महिलाहरू यतिबृला निर्वाचित भएसँगै चर्चामा पनि छन्।
स्याङ्जा–२ बाट नेकपा एमालेबाट पद्मा अर्यालको क्षेत्रमा भने मतगणना सुरु भएको छैन। अर्यालले जिते ९ जना महिला प्रत्यक्ष निर्वाचित सांसद हुनेछन्। अर्याल ०७४ मा निर्वाचित सांसद पनि हुन्।
नेकपा एमाले
कास्की–२ बाट नेकपा एमालेकी विद्या भट्टराई निर्वाचित भएकी छन्। उनीसँग राष्ट्रिय स्वतन्त्र पार्टीका माधवप्रसाद कंँडेल पराजित भए। भट्टराईले १६ हजार ९ सय ९८ मत ल्याउँदा कंँडेलले १२ हजार ४ सय ९५ मत ल्याएका छन्।
भट्टराई प्रतिनिधि सभाको निवर्तमान सदस्य हुन्। ०७६ मंसिरमा भएको उपनिर्वाचनमा कास्की–२बाट निर्वाचित भएकी थिइन्। श्रीमान् रवीन्द्र अधिकारीको निधन भएपछि संसदीय प्रतिस्पर्धामा होमिएकी उनले विजय हासिल गरेकी थिइन्।
बारा–३ बाट नेकपा एमालेकी ज्वालाकुमारी साह विजयी भएकी छन्। उनले जनता समाजवादी पार्टीका रामबाबुकुमार यादवलाई हराएकी हुन्। साहले २० हजार २ सय ५१ मत ल्याउँदा यादवले १७ हजार २ सय ६९ मत प्राप्त गरेका छन्।
धनुषा–३ को अन्तिम मतपरिणाम सार्वजनिक भएको छ। त्यहाँ एमाले उम्मेदवार जुलीकुमारी महतो निर्वाचित भएकी छन्। जुलीकुमाररीले ३३ हजार ३ सय ५५मत प्राप्त गर्दा लोसपाका अनिलकुमार झाले २३ हजार ६ सय ८६ मत प्राप्त गरेका छन्।
४० वर्षीया साह नेकपा एमालेको पोलिटब्यूरो सदस्य हुन्। माओवादी पृष्ठभूमिका नेता उनी ०७४ को प्रदेश सभामा बारा–३ (१) बाट माओवादी केन्द्रको उम्मेदवारको रुपमा विजयी भएकी थिइन्।
एमाले र माओवादी केन्द्रको एकता भई गठन भएको नेकपामा विभाजन आएपछि उनी एमाले प्रवेश गरेकी थिइन्। लगत्तै माओवादी केन्द्रले उनलाई प्रदेश सांसदबाट पदमुक्त गराएको थियो।
अर्कोतिर, तत्कालीन प्रधानमन्त्री तथा एमाले अध्यक्ष केपी शर्मा ओलीले उनलाई संघीय सरकारको कृषि तथा पशुपक्षी विकास मन्त्री बनाएका थिए। उनी ०६४ को संविधान सभा निर्वाचनमा माओवादी केन्द्रको तर्फबाट समानुपातिक सभासद भएकी थिइन्।
०७४को निर्वाचनमा यस क्षेत्रबाट राजेन्द्र महतो निर्वाचित भएका थिए। विजयी भएकी ४६ वर्षीय महतो नेकपा एमालेको पोलिटब्युरो सदस्य हुन्। विद्यार्थी राजनीतिबाट अगाडि बढेकी उनी ०६४ र ०७४मा एमालेको तर्फबाट समानुपातिक सभासद÷सदस्य भएकी थिइन्। ०७०को निर्वाचनमा धनुषा–३बाट उम्मेदवार बनेकी उनी पराजित भएकी थिइन्। केपी ओली नेतृत्वको सरकारमा ०७७ मा उनी महिला, बालबालिका तथा ज्येष्ठ नागरिक मन्त्री पनि भएकी थिइन्।
नेपाली कांग्रेस
तेह्रथुमको अन्तिम मतपरिणाम सार्वजनिक भएको छ। त्यहाँ नेपाली कांग्रेसको उम्मेदवार सीता गुरुङ विजयी भएकी छन्। सीता गुरुङले १९ हजार ७ सय २ मत ल्याएर विजयी भएकी हुन्।
उनका निकटतम् प्रतिस्पर्धी नेकपा एमालेका विजयी सुब्बाले १८ हजार ६ सय २३ मत प्राप्त गरेका छन्। ०७४को निर्वाचनमा यस क्षेत्रबाट एमाले उम्मेदवार भवानीप्रसाद खापुङ विजयी भएका थिए। खापुङसँग सीता गुरुङ पराजित भएकी थिइन्।
नेकपा माओवादी
दाङ–२मा नेकपा माओवादीकी रेखा शर्मा विजयी भएकी छन्। उनीसँग नेकपा एमालेका महासचिव शंकर पोखरेल पराजित भएका छन्। शर्माले २६ हजार ८ सय ७७ मत प्राप्त गर्दा पोखरेलले २६ हजार ६ सय ८१ मत ल्याएका छन्। शर्मा ०७० को संविधान सभा निर्वाचन र ०७४को प्रतिनिधि सभा निर्वाचनमा समानुपातिकतर्फबाट सभासद्/सांसद निर्वाचित भएकी थिइन्।
संसदीय समितिमा सक्रियतापूर्वक भूमिका निर्वाह गर्ने सांसदको रुपमा उनी परिचित छिन्।
राष्ट्रिय स्वतन्त्र पार्टी
ललितपुर–३बाट राष्ट्रिय स्वतन्त्र पार्टीकी तोसिमा कार्की निर्वाचित भएकी छन्। तोसीमा कार्कीले ३१ हजार १ सय ३६, एमालेका अमृत खड्काले १२ हजार ९ सय ६३ मत ल्याएका छन्। भने भुसाल तेस्रो स्थानमा सीमित रहेकी छन्।
भुषालले ८ हजार ७ सय ६९ मत प्राप्त गरेकी छन्।
३३ वर्षीय कार्कीको पृष्ठभूमि चिकित्सक पेशासँग जोडिएको छ। उम्मेदवार बन्नुअघि पाटन स्वास्थ्य विज्ञान प्रतिष्ठानको अध्यापकबाट राजीनामा दिएकी थिइन्।
नेपाल मेडिकल काउन्सिलको सदस्य समेत रहेकी उनले सोही पदमा रहेर उम्मेदवार बनेको भन्दै निर्वाचन आयोगले उम्मेदवारी खारेज गरेको थियो। तर सर्वोच्च अदालतले उनको उम्मेदवारी कायमै रहने भन्दै अन्तरिम आदेश दिएपछि उनको उम्मेदवारी कायमै रहेको थियो।
काठमाडौं–२ बाट राष्ट्रिय स्वतन्त्र पार्टीकी सोविता गौतम निर्वाचित भएकी छन्। गौतमले १५ हजार २ सय २९ ल्याउँदा एमालेका मणिराम फुयाल ११ हजार ५ सय ५५, राप्रपाका कुन्तीदेवी पोखरेलले ११ हजार १४ र माओवादीकी ओनसरी घर्तिले ९ हजार ४ सय ४९ मत ल्याएकी छन्। २७ वर्षीया गौतम राष्ट्रिय स्वतन्त्र पार्टीको केन्द्रीय सदस्य हुन्।
उनी अधिवक्ता समेत हुन्। संम्भवतः उनी कान्छी सांसद बनेकी छन्।
नागरिक उन्मुक्ति पार्टी
कैलाली–१ बाट नागरिक उन्मुक्ति पार्टीकी अध्यक्ष रञ्जिता श्रेष्ठले जित निकालिन्। उनले नेपाली कांग्रेसका रामजनम चौधरीलाई पराजित गरेकी हुन्। रञ्जिताले ३० हजार ४ सय ४ मत प्राप्त गर्दा रामजनमले १८ हजार ८१ मत प्राप्त गरेकी छन्।
योसँगै उनी सुदूरपश्चिमको एक्लो महिला प्रत्यक्ष निर्वाचित सांसद बनेकी छन्। उनले ११ हजार ३ सय २३ भारी मतान्तरमा जित निकाल्न सफल भएकी हुन्।
त्यस्तै दलीत समुदायबाट ठूला दलबाट तीन जना उम्मेदवार थिए। काठमाडौं–१० बाट अञ्जना विशखें, बाँके–१ बाट महेशराज गहतराज र रुपन्देही–१बाट छविलाल विश्वकर्मा निर्वाचित भए।
अञ्जना र युवा तथा खेलकुद मन्त्रीसमते रहेका महेश पराजित भएका छन्। योसँगै प्रत्यक्ष निर्वाचित एकजना मात्र रहेका छन्।
रुपन्देही–१ को अन्तिम मत परिणाम सार्वजनिक भएको छ। त्यहाँ एमालेका छविलाल विश्वकर्मा विजयी भएका छन्। छविलाल विश्वकर्मा ले २४ हजार ८७२ मत ल्याएर विजयी भएका छन्।
उनका निकटतम् प्रतिस्पर्धी स्वतन्त्र उम्मेदवार घनश्याम भुषालले २१ हजार ३ सय ८ मत ल्याएर पराजित भएका छन्।
पराजित भुषल एमाले परित्याग गरेर स्वतन्त्र उम्मेदवार बनेका थिए। २०७४ को निर्वाचनमा उनी रुपन्देही– १ बाट विजयी भएका थिए। विजयी भएका विश्वकर्मा भने २०७४ मा पनि यही क्षेत्रबाट निर्वाचित भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
