८ वर्षपछि विश्वकपमा फर्किएका इक्वेडर कप्तान खतरनाक बन्दै

फुटबल

नेपाल लाइभ शनिबार, मंसिर १०, २०७९ ००:०६

काठमाडौं– दक्षिण अमेरिकी राष्ट्र इक्वेडरका कप्तान इनेर भेलेन्सिया कतारमा जारी विश्वकपमा खतरनाक बन्दै गइरहेका छन्। ८ वर्षपछि पुनः विश्वकप खेल्न उत्रिएका भेलेन्सियाले यसपालि विश्वकपको २ खेलमा ३ गोल गरिसकेका छन्।

सन् २०१४ को विश्वकपमा समूह ‘इ’ मा रहेको इक्वेडरका लागि भेलेन्सियाले ३ गोल नै गरेका थिए। त्यतिबेला उनको टोली समूह चरणबाट माथि उक्लिन सकेको थिएन। तर, यसपालि नकआउट चरणमा उक्लिने सम्भावना बलियो छ।

भेलेन्सियाले आयोजक कतारविरूद्ध पहिलो खेलमा २ गोल गरेका थिए। उनले नेदरल्याण्ड्सविरूद्ध पनि ४९ मिनेटमा गोल गरे। उनकै गोलको सहयोगले शुक्रबार भएको खेलमा इक्वेडरले युरोपको बलियो फुटबल राष्ट्र नेदरल्याण्ड्सलाई १–१ गोलको बराबरीमा रोकेको थियो।

भेलेन्सियाले विश्वकपमा अहिलेसम्म ६ गोल गरेका छन्। उनले शुक्रबार नेदरल्याण्ड्सविरूद्ध बराबरी गोल गर्ने क्रममा पोर्चुगलका महान फुटबलर युसोबियो, रुसका ओलेग सालेन्को र इटालीका पाबलो रोसीको विश्वकपमा ६ गोल गर्ने कीर्तिमानलाई बराबरी गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हिमालका विषय उजागर गर्न सफल भएका छौँ : परराष्ट्र सचिव राई

गण्डकी प्रदेश सभाको अधिवेशन आह्वान

शिक्षा उपसमितिले विद्यालय शिक्षा विधेयकको प्रतिवेदन शिक्षा समितिलाई बुझायो