काठमाडौं– प्रतिनिधि सभा तथा प्रदेश निर्वाचन अन्तर्गत सुदूरपश्चिम प्रदेशका ९ जिल्लामध्ये अधिकांशमा मतगणना सुरु भएको छ।
मंगलबार बिहानसम्मको मतगणनालाई हेर्ने हो भने, अछाम क्षेत्र नम्बर १ मा नेपाली नेकपा समाजवादी पार्टीका शेरबहादुर कुँवरले २ हजार ५४२ मत प्राप्त गर्दै अग्रस्थानमा रहेका छन् भने उनलाई नेकपा एमालेका झपड बोहोराले २ हजार ७ मतसहित पछ्याइरेका छन्।
यस्तै अछाम क्षेत्र नम्बर २ मा कांग्रेसका पुष्पबहादुर शाह २ हजार ४१६ मतसहित अग्र स्थानमा रहेका छन्। उनलाई एमालेका यज्ञबहादुर बोगटीले १ हजार ९२३ मतसहित पछ्याइरहेका छन्।
त्यसैगरी डोटीमा एकीकृत समाजवादी पार्टीका प्रेम आले ४ हजार ४९ मतले अग्रस्थानमा रहेका छन्। उनलाई एमालेकी गौरी ओलीले २ हजार ३९२ मतसहित पछ्याइरहेकी छन्।
डडेल्धुराबाट प्रधानमन्त्री एवं कांग्रेस सभापति शेरबहादुर देउवा ६ हजार ३ सय ९९ मतका साथ अग्रस्थानमा छन्। स्वतन्त्र उम्मेदवार सागर ढकाल ३ हजार २७५ मतसहित दोस्रोमा छन् भने, कांग्रेस बीपीका उम्मेदवार कर्ण मल्लले १ हजार ८२५ मत प्राप्त गरेका छन्।
बैतडी क्षेत्र नम्बर १ बाट नेकपा एमालेका उम्मेदवार दामोदर भण्डारी ३ हजार ५९६ मतसहित अग्रस्थानमा छन्। उनलाई माओवादी केन्द्रका ३ हजार २९ मतसहित पछ्याइरहेका छन्।
दार्चुलामा नेपाली कांग्रेसका दिलेन्द्र प्रसाद बडू अगाडि देखिएका छन्। बडुले २ हजार ६ सय ८४ मत प्राप्त गर्दा एमालेका गणेशसिंह ठगुन्नाले २ हजार ३८ मतले पछ्याइरहेका छन्।
यस्तै कञ्चनपुर १ मा एमालेका तारा लामा २ हजार २७४ मतसहित अग्र स्थानमा रहेका छन्। उनलाई माओवादी केन्द्रकी बीना मगरले १ हजार ८४ मत प्राप्त गरेका छन्।
कञ्चनपुर क्षेत्र नम्बर २ मा कांग्रेसका एनपी साउँद ३ हजार ४४८ मतका साथ अग्रस्थानमा रहेका छन्। उनलाई एमालेका नरबहादुर धामीले ३ हजार २८९ मतसहित दोस्रो स्थानमा रहेका छन्। त्यस्तै निर्वाचन क्षेत्र नम्बर ३ मा कांग्रेसका रमेश लेखक ७ हजार ६१६ पहिलो स्थानमा छन्। उनलाई एमालेकी निरुदेवी पालले ४ हजार १६३ पछ्याइरहेकी छन्।
कैलाली निर्वाचन क्षेत्र १ बाट नागरिक उन्मुक्ति पार्टीकी रञ्जिता श्रेष्ठ अग्र स्थानमा रहेकी छन्। कांग्रेसका रामजनम चौथरी दोस्रो स्थानमा रहेका छन्। उनले ३ हजार ५५३ मत प्राप्त गरेका छन्।
यसैगरि कैलाली २ मा नागरिक उन्मुक्ति पार्टीकै अरुणकुमार चौधरी १६ सय ६० मतसहित अग्रस्थानमा रहेका छन्। उनलाई माओवादी केन्द्रका भगतबहादुर बडुवालले पछ्याइरहेका छन्। कैलाली ३ मा पनि नागरिक उन्मुक्ति पार्टीका गंगाराम चौधरी अगाडि छन्। उनले १६ हजार ६९३ मत प्राप्त गर्दा माओवादी केन्द्रका कृष्णकुमार चौधरीले १२ हजार ३९८ मत प्राप्त गरेका छन्।
कैलाली ४ मा नेपाली कांग्रेसका वीरबहादुर बलायर अगाडि छन्। बलायर ७ सय ३ मतले लेखराज भट्टभन्दा अगाडि छन्। कैलाली ५ मा भने मतगणना हुन सकिरहेको छैन।
त्यस्तै बझाङमा पनि आजबाट मतगणना सुरु हुने जनाएको छ। बाजुरामा भने विवादका कारण केही मतदानस्थलको मतदान स्थगित भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768563465.png)
-1768562733.png)
-1764146706.png)
-1768395492.png)
