बाजुराको बुढीगंगा- ८ मा विवाद हुँदा मतदानस्थल तोडफोड

निर्वाचन विशेष

नेपाल लाइभ आइतबार, मंसिर ४, २०७९ ११:००

विवाद हुनुअघि मतदानस्थल

बाजुरा- बाजुराको बुढीगंगा नगरपालिका- ८ स्थित गिरिखेल्ने मतदान केन्द्रमा झडप हुँदा मतदानस्थल तोडफोड भएको छ। मतदान सुरु भएलगत्तै नेपाली कांग्रेस र नेकपा एमालेका कार्यकर्ताबीच विवाद भएको थियो।

विवादले उग्र रुप लिएपछि सम्भावित दुर्घटना रोक्न प्रहरीले हवाइ फायर समेत गरेको छ। मतदानस्थल अझै तनावग्रस्त रहेको मतदान गराउन पुगेका एक कर्मचारीले बताएका छन्। आफूहरु र मतपेटिकका एउटा कोठामा रहेको ती कर्मचारीले बताएका छन्।

उनले नेपाललाइभसँग भने, 'हामी कर्मचारी र मतदान सामाग्री एक कोठामा राखेर बसिरहेका छौं। बाहिर तनाव जारी छ। मतदानस्थल तोडफोड भएको छ।'

बाजुराकै त्रिवेणी- ७ मा पनि विवाद भएपछि मतदान प्रक्रिया स्थगित छ। स्वामिकार्तिक खापर गाउँपालिका वडा ४ र बुढीनन्दा वडा नं ५ मा पनि विवाद भएपछि मतदान स्थगित छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चक्कु प्रहारबाट घाइते भएका अभिनेता सैफले उपचारका लागि गरे ३५ लाख ९५ हजारको बीमा दाबी

यू–१९ महिला विश्वकप: भारतको विजयी सुरुवात

एक सय ९५ किलो गाँजासहित पक्राउ