एमाले पार्टी ‘केपी ओली एण्ड कम्पनी’ हुन पुग्यो : माधव नेपाल

राजनीति

नेपाल लाइभ बिहीबार, कात्तिक २४, २०७९ ११:४२

काठमाडौं– नेकपा एकीकृत समाजवादी पार्टीका अध्यक्ष माधवकुमार नेपालले केपी शर्मा ओलीले नेतृत्व सम्हालेपछि एमाले पार्टी नभइ कम्पनीमा परिणत भएको आरोप लगाएका छन्।

बिहीबार पार्टी प्रवेश कार्यक्रमलाई सम्बोधन गर्दै अध्यक्ष नेपालले भने, ‘एमालेको नेतृत्व केपी ओलीले गरेपछि पार्टी गुटमा परिणत गर्न खोजे। पार्टीले पार्टीको रुपमा काम गरेन। केपी ओली एण्ड कम्पनीको गुट हुन पुग्यो। त्यो स्वार्थीहरुको जमात भयो। आदर्श सिद्धान्तलाई परित्याग गरियो। योग्य नेतृत्वलाई अघाडि बढाउ भन्ने भावना गएन।’

नेता नेपालले केपी ओली आफ्ना आसेपासेहरु, आफूलाई बा भन्नेहरु, आफूलाई पुज्नेहरु मात्र मन पराउने गरेको आरोप पनि लगाए। उनले केपी ओलीले प्रतिनिधि सभा विघटन गर्दा लाखौं जनता आफ्नो पक्षमा उभिएको दाबी गरे।

अध्यक्ष नेपालले भने, ‘केपी ओलीले गरेको संसद् विघटन, भ्रष्टाचारका कारण उनको सरकार ढाल्नुपर्ने अवस्था आयो। त्यो पार्टीबाट विद्रोह गर्नुपर्ने अवस्था बन्यो। अहिले देख्नसक्नु हुन्छ तपाईंहरु पार्टीमा रहेका मान्छेहरुमध्ये सुधार्न सक्छन् कि भन्ने चाहाना भएका साथीहरु पनि अब त्यहाँबाट विद्रोह गरेर अलग हुँदैछन्।’

चुनावमा अर्बौ रकम ओलीले खर्च गरेको भन्दै नेता नेपालले त्यति धेरै रकमको स्रोत के हो? भन्दै प्रश्न गरेका छन्। उनले भने, ‘के उनको पार्टीभित्र पैसा फल्ने बोट छ? आम्दानीको स्रोत के हो? लुट र भ्रष्टाचार गरेको हुनाले चुनावमा उनले पूरै खोलो बगाएको देखिन्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो

क्षेप्यास्त्र प्रहारको सन्देश बुझ्न अमेरिकालाई रूसको चेतावनी