राजनीति

‘नो, नट अगेन’ अभियान ट्विटरको ट्रेन्डिङमा

नेपाल लाइभ शुक्रबार, कात्तिक ११, २०७९ १३:५४

काठमाडौं– आसन्न मंसिर ४ गते हुने प्रतिनिधि सभा र प्रदेश सभा निर्वाचनमा शीर्ष नेतृत्वदेखि विवादित व्यक्तिहरूलाई बहिस्कार गर्नुपर्ने भन्दै चलिरहेको अभियान ‘नो, नट अगेन’ सामाजिक सञ्जाल ट्विटरको एक नम्बर ट्रेन्डिङमा परेको छ।

‘अबको निर्वाचनबाट स–सम्मान विदा गर्रौं’, मंसिर ४ कि वार कि पार भन्ने नारासहित सामाजिक सञ्जालमा ‘नो, नट अगेन’ भन्दै निर्वाचन बहिस्कार अभियान सुरु गरिएको अभियान ट्विटरको एक नम्बर ट्रेन्डिङमा परेको हो।

शीर्ष दलका शीर्ष नेताहरूलाई निर्वाचनबाट बहिस्कार गर्नुपर्ने अभियान चलाएपछि निर्वाचन आयोगले त्यसो नगर्न आग्रह गर्दै जरिवाना र जेल सजायसमेत तोकेर चेतावनीसहितको निर्देशन दिएको थियो।

यो पनि पढ्नुहोस

एकपछि अर्को विवादमा तानिँदै निर्वाचन आयोग

आयोगको चेतावनीपश्चात ‘नो, नट अगेन’ अभियान झनै चर्चामा आएको छ। जसलाई कांग्रेस नेता डा मीनेन्द्र रिजाललगायत विभिन्न दलका नेताहरूले समेत अभियानमा समर्थन जनाइरहेका छन्।

आयोगको चेतावनीप्रति प्रतिक्रिया दिँदै अभियानकर्ताहरूले उक्त अभियान कसैको कुप्रचार वा बदनियतपूर्ण ढंगबाट सुरु भएको नभइ परिवर्तनको अपेक्षा र अनुरोधसहित आएको ट्विटरमार्फत बताएका छन्।

कसैप्रति दूराशय र वैरभाव राखे नभएर देशको चरम दूरावस्था, महंगी, भ्रष्टाचार, बेरोजगारी लगायतका सवालमा पटक–पटक एउटै व्यक्ति निर्वाचित भइरहनुलाई लिएको उनीहरूको स्पष्टीकरण छ ।

आयोगको चेतावनीपछि पनि पुराना नेताहरूलाई चुनाव हराउनुपर्ने र नयाँलाई अवसर प्रदान गर्नुपर्ने आफूहरूको अभियान यथावत रहेको ‘नो, नट अगेन’ अभियानका अभियन्ताहरूले जनाएका छन्।

आयोगको निर्देशनपछि सो विरूद्धमा समाजिक सञ्जाल प्रयोगकर्ताले ’नो, नट अगेन’ समूहलाई समर्थन गरेका हुन्। जसका कारण ट्विटरमा यो एक नम्बर ट्रेन्डिङमा परेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना