काठमाडौं– फ्रेन्च क्लब पेरिस सेन्ट जर्मेन (पिएसजी) र इंग्लिस क्लब चेल्सी युइएफए च्याम्पियन्स लिग फुटबल प्रतियोगिताको नकआउट चरणमा प्रवेश गरेका छन्।
मंगलबार राति भएको समूह ‘एच’को खेलमा इजरायली क्लब मकाबी हाइफामाथि ७–२ गोल अन्तरको सानदार जित निकाल्दै फ्रेन्च च्याम्पियन पिएसजी एक खेलअगावै अन्तिम १६ मा पुग्न सफल भएको हो।
पिएसजीको जितमा लियोनल मेसी र केलियन एम्बापेले २–२, नेइमार र कार्लोस सोलेरले १–१ गोल गरे। एक गोल भने पिएसजीले उपहार पाएको थियो। हाइफाका सेन गोल्डबर्गले आत्मघाती गोल गरेका थिए।
यस्तै, हाइफाका अब्दौलाए सेकले २ सान्त्वना गोल फर्काएका थिए।
समूह ‘ई’को खेलमा अष्ट्रियन क्लब रेडबुल साल्जबर्गलाई २–१ गोल अन्तरले हराउँदै चेल्सी समूह विजेता बन्दै अन्तिम १६ मा पुगेको छ। साल्जबर्गको अन्तिम १६ मा पुग्ने सम्भावना पनि जीवितै छ। हाइफा भने प्रतियोगिताबाट बाहिरिइसकेको छ।
यता, दुई पटकको विजेता इटालियन क्लब युभेन्ट्स भने प्रतियोगिताबाट बाहिरिएको छ। समूह ‘एच’अन्तर्गत मंगलबार राति नै भएको खेलमा पोर्चुगिज क्लब बेन्फिकासँग ४–३ गोल अन्तरले पराजित हुँदै युभेन्ट्स पहिलो चरणबाटै बाहिरिएको हो।
अर्को इटालियन क्लब एसी मिलानले भने अन्तिम १६ मा पुग्ने सम्भावनालाई बलियो बनाएको छ। समूह ‘ई’को खेलमा क्रोएसियन क्लब डाइनामो जाग्रेबलाई ४–० गोलको फराकिलो अन्तरले हराउँदै मिलानले सम्भावना बलियो बनाएको हो। हारसँगै जाग्रेब प्रतियोगिताबाट बाहिरिएको छ।
यसअघि नै अन्तिम १६ मा पुगिसकेको साविक विजेता रियल म्याड्रिडले भने हार ब्यहारेको छ। समूह ‘एफ’को खेलमा स्पेनिस च्याम्पियन रियल जर्मन क्लब आरबी लाइपजिगसँग ३–२ गोल अन्तरले पराजित भएको हो। यो जारी प्रतियोगितामा रियलको पहिलो हार हो । यता, जितसँगै लाइपजिगले अन्तिम १६ मा पुग्ने सम्भावना बलियो बनाएको छ।
यसैगरी, समूह ‘जी’को खेलमा स्पेनिस क्लब सेभिल्लाले डेनिस क्लब कोपनहेगनलाई ३–० को भारी अन्तरले हराएको छ। जितका बाबजुद सेभिल्ला अन्तिम १६ मा जाने सम्भावना सकिएको छ। कोपनहेगन भने यसअघि नै प्रतियोगिताबाट बाहिरिइसकेको थियो।
यसै समूहको अर्को खेलमा जर्मन क्लब बोरुसिया डर्टमुण्ड र इंग्लिस क्लब म्यानचेस्टर सिटीले गाेलरहित बराबरी खेलेका छन्। यस नजिताले डर्टमुण्ड अन्तिम १६ मा पुगेको छ। सिटी भने समूह विजेता बन्दै यसअघि नै नकआउट चरणमा पुगिसकेको छ।
समूह ‘एफ’को खेलमा स्कटिस क्लब सेल्टिक र युक्रेनी क्लब साक्तर डोनेस्कले १–१ गोलको बराबरी खेलेका छन्। सेल्टिक प्रतियोगिताबाट बाहिरिइसकेको छ भने डोनेस्कको नकआउटमा पुग्ने झिनो सम्भावना जीवितै छ।
हालसम्म ९ टोलीले अन्तिम १६ मा स्थान बनाइसकेका छन्। च्याम्पियन्स लिगमा बुधबार राति पनि ८ खेल हुनेछन्।
यी हुन् अन्तिम १६ मा पुगेका टोली :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779614013.png)
-1764146706.png)
-1779545841.jpg)
