काठमाडौं – विवेकशील साझा पार्टीले ‘स्ट्यान्डअप कमेडियन’ अपूर्वक्षितिज सिंहविरुद्धको मुद्दा फिर्ता लिएर सामाजिक सहिष्णुता कायम राख्न आग्रह गरेको छ। पार्टी प्रवक्ता प्रकाशचन्द्र परियारले शनिबार एक प्रेस नोट जारी गर्दै यसका लागि सरकारलाई विशेष पहल कदमी लिन आग्रह गरेको छ।
कलाकार सिंहलाई दुईपटक गरी १५ दिनभन्दा बढी हिरासतमा राखेकोप्रति लक्षित गर्दै विवेकशीलले यस विषयले समाजका दुई अतिवादी शक्ति मुखरर भएको बताएको छ।
यसले नेपाली समाजको सहिष्णु शक्तिमा समेत क्षय हुँदै गएकोप्रति सबै सरोकारवाला संवेदनशील हुन पार्टीले आग्रह गरेको छ।
‘स्ट्यान्डअप कमेडियन’ अपूर्वक्षितिज सिंहले माफी माग्दै आफ्नो विवादस्पद कमेडी युटुबवाट हटाएर सामुदायिक भावनाको सम्मान गरे पनि उनको मुद्दा अझै विचाराधीन भइरहँदा समुदाय विभक्त हुने खतराप्रति विवेकशील साझा पार्टीको गम्भीर ध्यानाकर्षण भएको छ,’ प्रेस नोटमा भनिएकोछ, ‘कलाकार सिंहलाई दुईपटक गरी १५ दिनभन्दा बढी हिरासतमा राखी सकिएको र यस विषयले समाजको दुई अतिवादी शक्ति मुखरर हुँदा नेपाली समाजको सहिष्णु शक्तिमा समेत क्षय हुँदै गएकोप्रति सबै सरोकारवाला संवेदनशील हुन हाम्रो पार्टी हार्दिक अपिल गर्दछ।’
सरकारले पक्ष र विपक्षमा रहेका समुदायलाई उत्तेजित हुन नदिई सहज वातावरणका साथ विषयलाई टुंग्याउन र मुद्धा दायर गरेकालाई पनि विश्वासमा लिएर समस्या समाधान गर्ने वातावरण वनाउन हामी विवेकशीलले आग्रह गरेको छ।
अपूर्वले एक कमेडी शोमा नेवारी संस्कृतिबारे एक प्रहशन प्रस्तुत गरेका थिए। त्यसले नेवारी समूदायमा चोट पुगेको भन्दै उनीविरुद्ध मुद्दाहालिएको थियो। यसै विषयलाई लिएर उनी पटक–पटक हिरासतमा पुगिसकेका छन्।
यस्तो छ प्रेस नोट :
प्रेस नोट:
२०७९/०७/०५ अपूर्वाको माफि स्वीकार गर्दै मुद्धा फिर्ता गरोैँ, सामाजिक सहिष्णुताको जगेर्ना गरोैँ! ‘स्ट्यान्डअप कमेडियन’ अपूर्वा क्षितिज सिंहले माफि माग्दै आफ्नो विवादस्पद कमेडी युटुबवाट हटाएर सामुदायिक भावनाको सम्मान गरे पनि उनको मुद्धा अझै विचाराधीन भईरहदा समुदाय विभक्त हुने खतराप्रति विवेकशील साझा पार्टीको गम्भीर ध्यानाकर्षण भएको छ।
कलाकार सिंहलाई २ पटक गरि १५ दिन भन्दा बढी हिरासतमा राखी सकिएको र यस विषयले समाजको २ अतिवादी शक्ति मुखरर हुँदा नेपाली समाजको सहिष्णु शक्तिमा समेत क्षय हुँदै गएकोप्रति सवै सरोकारवाला संवेदनशील हुन विवेकशील साझा पार्टी हार्दिक अपील गर्दछ।
सरकारले पक्ष र विपक्षमा रहेका समुदायलाई उत्तेजीत हुन नदिई सहज वातावरणका साथ विषयलाई टुंग्याउन र मुद्धा दायर गरेकाहरुलाई पनि विश्वासमा लिएर समस्या समाधान गर्ने वातावरण वनाउन हामी आग्रह गर्दछोैँ।
विवेकशील साझा पार्टी संवैधानिक रुपमा लिपीबद्ध अभिब्यक्ति स्वतन्त्रताको पक्षमा सदा प्रतिबद्ध रहेको छ। हामी अभिब्यक्ति स्वतन्तन्त्रताको दुरुपयोग र अभिव्यक्ति स्वतन्त्रता सीमाहीन छ भन्ने पक्षमा भने कदापी छैनोैँ । हामी मर्यादित अभिब्यक्ति स्वतन्त्रताको अभ्यासका लागि सचेत र जिम्मेवार हुँदै आफ्नो कला प्रस्तुत गर्न पाउने प्रत्याभूतिका लागि वातावरण बनाउन कलाकार, सरकार र सरोकारवालाहरुको विशेष ध्यानाकर्षण गराउन चाहन्छोैँ। हामी उजुरीकर्तालाई मुद्धा फिर्ता लिएर सामाजिक सहिष्णुता कायम राख्न र सरकारलाई विशेष पहल कदमी लिन आग्रह गर्दछौ। सप्रेम
प्रकाशचन्द्र परियार प्रवक्ता -विवेकशील साझा पार्टी
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
