काठमाडौं– सरकारले दबाबमा रहेको विदेशी मुद्रा सञ्चिति (राष्ट्रको ढुकुटी) जोगाउन र व्यापार घाटा कम गर्नका लागि लगाएको आयात प्रतिबन्धको समय अवधि शुक्रबार सकिने भएको छ। तर, प्रतिबन्ध खुला गर्ने वा कायम राख्ने भन्ने विषयमा बिहीबार दिउँसोसम्म कुनै पनि छलफल भएको छैन।
सरकारले गत आर्थिक वर्षको वैशाख १३ देखि असार मसान्तसम्म केही वस्तुको आयातमा पहिलो पटक रोक लगाएको थियो। यसैलाई चालु आर्थिक वर्षको भदौ १४ सम्म सरकारले निरन्तरता दिएको थियो। सरकारले पहिलो पटक आयात प्रतिबन्धको राजपत्र प्रकाशित गर्दा कुरकुरे, कुरमुरे, लेजलगायत यस्तै उत्पादन, मदिरा, चुरोट तथा सुर्तीजन्य वस्तु (कच्चा पदार्थबाहेक) आयात नगर्ने निर्णय गरेको थियो।
यसैगरी, हीरा (ओद्योगिक कच्चा पदार्थबाहेक), मोबाइल सेट (६ सय डलर माथिका), रंगीन टेलिभिजन (३२ इन्चभन्दा माथि), जिप, कार र भ्यान (एम्बुलेन्स, शवदाहबाहेक), २५० सीसीभन्दा माथिका मोटरसाइकल, सबै प्रकारका खेलौना र तास आयातमा बन्देज लगाइएको थियो।
चालु आर्थिकको भदौमा भने सरकारले केही सामानको आयात प्रतिबन्धलाई यथावत् राख्दै प्रतिबन्धित केही वस्तुमा परिवर्तन गर्यो। पहिला ६०० अमेरिकी डलरभन्दा बढी मूल्यका मोबाइल सेट र २५० सीसीभन्दा माथिका मोटरसाइकल आयातमा रोक लगाइएको थियो। अहिले ३०० अमिरिकी डलरभन्दा बढी मूल्यका मोबाइल सेट र १५० सीसीभन्दा माथिका मोटरसाइकलको आयातमा रोक लगाइएको छ।
सरकारले शुक्रबारसम्म रोक लगाएको उक्त वस्तुको आयात प्रतिबन्ध खोल्ने वा कायम राख्ने भन्ने विषयमा अहिलेसम्म कुनै छलफल नभएको अर्थमन्त्रालयका एक अधिकारीले जानकारी दिए।
उद्योग, वाणिज्य तथा आपूर्ति मन्त्रालयका प्रवक्ता नारायण प्रसाद रेग्मीका अनुसार पनि हालसम्म आयात प्रतिबन्ध खुलाउने वा नखुलाउने भन्ने विषयमा छलफल भएको छैन।
उनी भन्छन्, ‘अहिललेसम्म यस विषयमा केही छलफल भएको मलाई थाहा छैन। सरकारले राजपत्र सार्वजनिक गरेन भने आयात खुला हुन्छ। आयात रोक्ने भयो भने राजपत्र प्रकाशित गर्छ।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
