काठमाडौं- आगामी मंसिर ४ गते हुने प्रतिनिधि सभा निर्वाचनमा पाँच जना महिला उम्मेदवारले विभिन्न दलका हेभिवेट नेतासँग प्रतिस्पर्धा गर्दैछन्।
ती पाँच हेभिवेट नेता विरुद्ध माओवादी केन्द्रकी रेखा शर्मा र कल्पना धमाला, नेकपा एमालेकी गौरी ओली र शान्ता चौधरी तथा एकीकृत समाजवादीकी रामकुमारी झाँक्रीले उम्मेदवारी दर्ता गराएका छन्।
दाङ- २ मा नेकपा माओवादी केन्द्रकी रेखा शर्मा एमालेका महासचिव शंकर पोखरेललेसँग प्रतिस्पर्धा गर्दैछिन्। रेखा २०७० र २०७४ की समानुपातिक सांसद हुन्। उनी सामान्य प्रशासन मन्त्रीसमेत भइसकेकी छिन्।
शंकर पोखरेल लुम्बिनी प्रदेशका पूर्व मुख्यमन्त्री हुन्। उनी २०७४ मा दाङ- २ को (क) बाट प्रदेश सभा सदस्यमा निर्वाचित भएका थिए।
२०५१ सालको संसदीय निर्वाचनमा दाङ- ३ बाट निर्वाचित पोखरेल २०७० मा भने दाङबाट पराजित भएका थिए।
काठमाडौं- ९ मा नेकपा माओवादी केन्द्रकी कल्पना धमला पूर्व शिक्षा स्वास्थ्य तथा प्रविधि मन्त्री कृष्णगोपाल श्रेष्ठसँग भिड्ने भएकी छन्। २०६४ मा धादिङ-२ बाट निर्वाचित भएकी धमलाले यस पटक काठमाडौंबाट मनोनयन दर्ता गराएकी छिन्। धमला सत्तारुढ गठबन्धनको सहयोगमा उम्मेदवार बनेकी हुन्।
कृष्णगोपाल २०४८ मा काठमाडौं- ५ बाट प्रतिनिधि सभा सदस्यमा निर्वाचित भएका थिए। मध्यावधि निर्वाचन २०५१ मा काठमाडौं- ७ बाट निर्वाचित उनी अहिले पनि काठमाडौं- ९ बाट चुनाव लड्दैछन्।
एक मात्र निर्वाचन क्षेत्र रहेको डोटीमा नेकपा एमालेकी गौरी ओली नेकपा एकीकृत समाजवादीका पूर्व पर्यटन मन्त्री प्रेम आलेसँग चुनावी मैदानमा उत्रिएकी छन्। ओली नेकपा एमाले पोलिटब्युरो सदस्य तथा डोटी इन्चार्ज हुन्।
पूर्व मन्त्री आले २०७० र २०७४ मा प्रत्यक्ष निर्वाचित सांसद हुन्। आले एमाले विभाजित भएसँगै माधव पक्षतिर लागेका थिए।
यसैगरी गुल्मी- २ मा एकीकृत समाजवादीकी नेतृ रामकुमारी झाँक्री एमालेका गोकर्ण विष्टसँग चुनाव लड्ने भएका छन्। झाँक्री पूर्व भौतिक तथा पूर्वाधार मन्त्री समेत हुन्।
२०७४ मा प्रतिनिधि सभामा समानुपातिक सांसद बनेकी झाँक्री एमाले विभाजनसँगै माधव पक्षतिर लागेकी थिइन्।
पूर्व श्रम, रोजगार तथा सामाजिक सुरक्षा मन्त्री विष्ट २०५६ / २०७० मा गुल्मी-३ बाट र २०७४ मा गुल्मी- २ बाट प्रत्यक्ष निर्वाचित सांसद हुन्। यी दुई पूर्व सहकर्मीको भिडन्त निकै रोचक हुने अनुमान गरिएको छ।
दाङ- १ मा नेकपा एमालेकी शान्ता चौधरी एकीकृत समाजवादीका नेता मेटमणी चौधरीसँग चुनावी प्रतिस्पर्धा गर्दैछन्। शान्ता २०६४ र २०७४ मा समानुपातिक सांसद भइसकेकी छन्। प्रत्यक्ष उम्मेदवारी भने उनको पहिलो पटक हो।
शहरी विकास मन्त्री समेत रहेका मेटमणि भने २०७४ मा दाङ- १ बाट प्रत्यक्ष निर्वाचित सांसद हुन्। एमाले विभाजन भएसँगै एकीकृत समाजवादीमा लागेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
