काठमाडौं– नेपाल वायु सेवा निगमले आफ्ना उडान सेवा भएका सबै अन्तर्राष्ट्रिय सेक्टरमा अनलाई टिकट बुकिङ सेवा सुरु गरेको छ।
सोमबारदेखि अनलाई टिकेटिक इन्टरनेट बुकिङ इन्जिनमार्फत् टिकट बुकिङ सुरु गरिएको वायु सेवा निगमले जनाएको छ।
यो सेवा सुरु भएसँगै नेवानीको विमानद्वारा अन्तर्राष्ट्रिय यात्रा गर्ने यात्रुले विश्वको कुनै पनि ठाउँबाट निगमको वेबसाइट www.nepalairlines.com.np बाट अनलाइन बुकिङ गरी आफ्नो उडान गन्तव्यको टिकट खरिद गर्न सक्ने बताइएको छ।
निगमले हाल दिल्ली, मुम्वई, बैंगलौर, दुवई, दोहा, हङ्गकङ्ग, क्वालालाम्पुर, बैंकक, नारिता र रियादमा आफ्नो सेवा प्रदान गर्दै आइरहेको छ।
यो सेवामार्फत् संसारभरका यात्रुहरुलाई निगमको टिकट खरिदमा सहजता हुने निगमले अपेक्षा गरेको नेपाल वायुसेवा निगमका प्रवक्ता अर्चना खड्काले जानकारी दिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
